باسپانانىڭ اۋدانىنا قاراي ادامدى تىركەۋ تەتىگى ەنگىزىلەدى - ق ر ءى ءى م

استانا. قازاقپارات - اتالعان نورمانىڭ ارقاسىندا ءبىر پاتەرگە ونداعان، ءتىپتى جۇزدەگەن ادامدى تىركەۋگە تىيىم سالىنادى، دەپ حابارلايدى قازاقپارات ءتىلشىسى.

«بۇگىندە ىشكى ىستەرمينيسترلىگى تيپتىك ەرەجەلەردىڭ جوباسىن ازىرلەپ، ۇكىمەتتىڭ قاراۋىنا ەنگىزدى. اتالعان ەرەجەلەرگە سايكەس، باسپانانىڭ اۋدانىنا قاراي ادامداردى تىركەۋگە شەكتەۋ قويىلادى. تيپتىك ەرەجەلەردىڭ نەگىزىندە جەرگىلىكتى ءماسليحاتتار ءوز ەرەجەلەرىن قابىلدايدى. سونىڭ ىشىندە جەرگىلىكتى جەردىڭ ەرەكشەلىكتەرى مەن باسپانانىڭ اۋدانىنا قاراي تىركەۋ نورمالارىن كورسەتۋگە بولادى. بۇل دەگەنىمىز، ءبىر پاتەرگە ونداعان، ءتىپتى جۇزدەگەن ادامدى تىركەۋ بيزنەسىنە دە توسقاۋىل قويىلادى»، - دەدى استانا قالالىق كوشى- قونى پوليتسياسىنىڭ باسشىسى گۇلۆيرا دونەنبايەۆا «ۆەچەرنيايا استانا» گازەتىنە بەرگەن سۇحباتىندا.

 ايتا كەتەيىك، ۋاقىتشا تىركەۋ تۋرالى زاڭ كۇشىنە ەنگەلى بەرى قازاقستاندا 1 ميلليون 442 مىڭ ادام تىركەۋگە تۇردى. ولاردىڭ ىشىندە  695000 ادام تۇراقتى تىركەۋگە تۇرسا، 746 مىڭى - ۋاقىتشا تىركەۋگە وتىرعاندار. استانانىڭ وزىندە 250 مىڭ ادام تىركەۋگە تۇردى.

«نەگىزى، باسپانانىڭ اۋدانىنا قاراي ءاربىر ادامدى تىركەۋگە قويۋ تەتىكتەرى زاڭمەن بەكىتىلگەننەن كەيىن استانادا پاتەردى جاسىرىن جالعا بەرۋ ارەكەتتەرى ازايۋى ءتيىس. دەگەنمەن، پرەزيدەنتتىڭ تىكەلەي تاپسىرماسى مەن جەرگىلىكتى بيلىكتىڭ قولعا الىپ جاتقان شارالارىنا قاراماستان، پاتەردى زاڭسىز جالعا بەرۋ مەن تىركەۋگە قويۋ بيزنەسى ءالى دە باسەڭدەيتىن ەمەس»، - دەيدى دونەنبايەۆا.

اۆتور: ارمان اسقاروۆ