الماتى قالالىق سوتىنىڭ ءتوراعاسى اعجان ەشتاي قايتىس بولدى

الماتى. قازاقپارات - الماتى قالالىق سوتىنىڭ ءتوراعاسى اعجان ەشتاي قايتىس بولدى، دەپ حابارلايدى قازاقپارات ءتىلشىسى.

قالالىق سوتتىڭ باسپا ءسوز قىزمەتى حابارلاعانداي، بەلگىلى زاڭگەر كەشە 14 - مامىر كۇنى 56 جاسىنا قاراعان شاعىندا ومىردەن ءوتتى. اعجان جايلاۋحان ۇلى ەشتاي 1961 -جىلى وڭتۇستىك قازاقستان وبلىسى تولە بي اۋدانىنىڭ ەكپىندى اۋىلىندا دۇنيەگە كەلگەن. 1978 -جىلى قاراعاندى مەملەكەتتىك ۋنيۆەرسيتەتىنىڭ زاڭ فاكۋلتەتىن ءتامامداعان. 30 جىلدان استام سوت سالاسىندا ەڭبەك ەتكەن. ءومىرىنىڭ ءار جىلدارى سەلينوگراد، و ق و سوتتارىندا ءتوراعالىق قىزمەت اتقارعان. اعجان ەشتاي 2013 -جىلدان بەرى الماتى قالالىق سوتىنىڭ ءتوراعاسى بولىپ كەلدى. مارقۇم ءوزىنىڭ تۋعان اۋىلىندا جەرلەنەدى.

 اۆتور: گۇلميرا عوسمانالي