مەملەكەت باسشىسى قىتايداعى فورۋمدا «ۇلكەن ەۋرازيا» يدەياسى تۋرالى ايتتى

بەيجىڭ. قازاقپارات - قازاقستان پرەزيدەنتى نۇرسۇلتان نازاربايەۆ «ءبىر بەلدەۋ، ءبىر جول» فورۋمىنىڭ كوشباسشىلار دوڭگەلەك ۇستەلىندە «ۇلكەن ەۋرازيا» ءبىرىڭعاي ەكونوميكالىق كەڭىستىك يدەياسى تۋرالى ايتىپ بەردى،

 دەپ حابارلايدى قازاقپارات.

ەلباسى ر ف پرەزيدەنتى پۋتيننىڭ سوزىنە قولداۋ بىلدىرە كەلە، وسى ۇدەرىستە («ءبىر بەلدەۋ، ءبىر جول») ەۋرازيالىق ەكونوميكالىق وداقتىڭ اتقارىپ تۇرعان ماڭىزدى ءرولىن اتاپ ءوتتى. مەملەكەت باسشىسى جالپى ەكونوميكالىق داعدارىس كەزىندە ءتيىستى قيىندىقتار بولعانىن، الايدا اعىمداعى جىلى وسى بىرلەستىك اياسىندا ساۋدا كولەمى 30 پايىزدان استام دەڭگەيگە ءوسىم بايقالعانىن جەتكىزدى.

 «بۇل اۋقىمدى نارىق، ياعني 180 ميلليون حالىقتى قامتىپ وتىر. وسىعان بايلانىستى «ۇلكەن ەۋرازيا» ءبىرىڭعاي ەكونوميكالىق كەڭىستىڭتى قۇرۋ يدەياسى جاڭا سيپاتقا بولەنىپ وتىر. جىبەك جولىنىڭ ەكونوميكالىق بەلدەۋى ش ى ۇ، ە ا ە و جانە ە و تۇعىرناماسىن ءتيىمدى بايلانىستىرا الادى»، - دەپ توقتالدى ن. نازاربايەۆ.

 قازاقستان پرەزيدەنتى نۇرسۇلتان نازاربايەۆ «ءبىر بەلدەۋ، ءبىر جول» اياسىندا اۋىل شارۋاشىلىعى كووپەراتسياسىن دامىتۋ قاجەتتىلىگىن ايتتى.

«جىبەك جولى اياسىندا ازىق- تۇلىك قاۋىپسىزدىگىن قامتاماسىز ەتۋ ءۇشىن اۋىل شارۋاشىلىعى كووپەراتسياسىن دامىتۋ ماڭىزدى»، - دەدى ول «ءبىر بەلدەۋ، ءبىر جول» اتتى جوعارى دەڭگەيدەگى فورۋم كوشباسشىلارىنىڭ دوڭگەلەك ۇستەل وتىرىسىندا.

 ەسكە سالساق، فورۋمعا 29 مەملەكەت جانە 3 حالىقارالىق ۇيىم (ب ۇ ۇ، دۇنيەجۇزىلىك بانك، حالىقارالىق ۆاليۋتا قورى) باسشىلارىمەن بىرگە قازاقستان پرەزيدەنتى نۇرسۇلتان نازاربايەۆ تا قاتىسۋدا.

 اۋدارما: رۋسلان عابباسوۆ