نازاربايەۆ: قىتاي حالىقارالىق كووپەراتسيانى ىنتالاندىرۋدىڭ جاڭا درايۆەرى بولدى

بەيجىڭ. قازاقپارات - قىتاي «ءبىر بەلدەۋ، ءبىر جول» باستاماسىن كوتەرىپ، حالىقارالىق كووپەراتسيانى ىنتالاندىرۋ جونىندەگى مىندەتتى موينىنا الدى.

بۇل تۋرالى بۇگىن «ءبىر بەلدەۋ، ءبىر جول» اتتى جوعارى دەڭگەيدەگى فورۋم كوشباسشىلارىنىڭ دوڭگەلەك ۇستەلىندە قازاقستان پرەزيدەنتى نۇرسۇلتان نازاربايەۆ حابارلادى، دەدى قىتايداعى «قازاقپارات» ح ا ا مەنشىكتى ءتىلشىسى.

«ءبىز قازىر بۇل اعىمداعى ءجۇزجىلدىقتان باستاپ كۇشەيىپ كەلە جاتقان الەمدەگى ساياسي ەكونوميكالىق جانە گۋمانيتارلىق داعدارىسقا دەر كەزىندە بەرىلگەن جاۋاپ ەكەنىن كورىپ وتىرمىز. پاتەرناليزم، ساياسي دالەلدى سانكسيالار قولدانۋ ميلليونداعان حالىقتىڭ ءومىرىنىڭ ەكونوميكالىق بەلسەندىلىگىن السىرەتىپ جىبەردى. ناتيجەسىن سوڭعى جىلدارداعى الەمدىك ەكونوميكا مەن ساۋدا- ساتتىقتىڭ تومەندەپ، باياۋلاۋىنان بايقاۋعا بولادى. وسى جاعدايدا الەم حالىقارالىق كووپەراتسيانى ىنتالاندىرۋدىڭ جاڭا درايۆەرىنە وتە مۇقتاج بولدى، بۇل ءرولدى وزىنە نارىقتاردى دامىتۋدىڭ جاڭا بىرىكتىرىلگەن باستاماسىمەن قىتاي الدى»، - دەدى مەملەكەت باسشىسى.

ونىڭ ايتۋىنشا، «ءبىر بەلدەۋ، ءبىر جول» باستاماسى جاڭا گەوەكونوميكالىق پاراديگمانى قالىپتاستىرادى.

ونى ءساتتى ىسكە اسىرۋ 4,5 ميلليون جيىنتىق حالىقپەن وسى جولداعى ەلدەرگە پايدا اكەلەدى، قىتاي حالىق رەسپۋبليكاسى ءۇشىن نارىق اشادى. «بىرىنشىدەن، «ءبىر بەلدەۋ، ءبىر جول» باستاماسىمەن قىتاي الەمگە وڭىرلىك كووپەراتسيانىڭ جاڭا ۇلگىسىن كورسەتتى.

«بىرلەسىپ دامۋ ارقىلى تۇراقتىلىققا» دەگەن ۇستانىمدى كوزدەيتىن بۇل جاريالانعان ءتاسىل ونداعان مەملەكەتتەردىڭ ەكونوميكالىق مۇددەلەرىمەن ۇندەسەتىن حالىقارالىق ىنتىماقتاستىقتىڭ تارتىمدى ۇلگىسى. وسىعان بايلانىستى قازىر جىبەك جولىنىڭ بەلگىلى ءبىر جيەگى كورىنگەندە، بۇل ماكرووڭىرلىك كووپەراتسيانى بىرلەسىپ ستراتەگيالىق تۇرعىدان ۇيلەستىرۋ قاجەت، فورۋمنىڭ ءرولى دە وسىنى قامتيدى»، - دەپ اتاپ ءوتتى ن. نازاربايەۆ.

ەكىنشىدەن، - دەپ ءسوزىن جالعاستىردى ەلباسى. جىبەك جولىنىڭ باستامالارىن ىسكە اسىرۋ تۇتاس وڭىرلەردى، ونىڭ ىشىندە جاھاندىق كونتەكستە قازاقستان دا كىرەتىن ورتالىق ازيانى جاڭادان جايعاستىرۋعا ىقپال ەتەدى. «ءبىزدىڭ گەوگرافيا بىزگە ورتاق پايدا اكەلەدى. ورتالىق ازيا، ءجۇز جىل بۇرىنعى ءوزىنىڭ التىن كەزەڭى سياقتى قازىر دە ءىرى نارىقتار اراسىندا باستى كوپىرگە اينالىپ، قايتادان ستراتەگيالىق مانگە يە بولدى. ءار جىل سايىن تىنىق مۇحيتىنان اتلانتيكاعا دەيىن بارلىق جاڭا جانە جىلدام مارشرۋتتار يگەرىلۋدە، سونىڭ ارقاسىندا ەۋرازيانىڭ وزىندە عانا ساۋدا كولەمى 2020 -جىلى 1,2 تريلليونعا ارتپاق. يران، اۋعانستان جانە ودان ءارى تاياۋ شىعىس پەن وڭتۇستىك ازيا نارىقتارىنا شىعۋ مۇمكىندىكتەرى جۇزەگە اسىرىلۋدا»، - دەدى پرەزيدەنت.

ەسكە سالساق، ن. نازاربايەۆ «ءبىر بەلدەۋ، ءبىر جول» فورۋمىنا قاتىسۋمەن، ق ح ر- دا ەكى كۇندىك رەسمي ءىسساپاردا ءجۇر.