استانالىق ورالمانداردى مەملەكەتتىك قوردان تۇرعىن ءۇي كەزەگىنەن الىپ تاستاۋى مۇمكىن

استانا. قازاقپارات - مەملەكەتتىك قوردان تۇرعىن ۇيگە كەزەكتەن ەلوردالىق ورالمانداردى الىپ تاستاۋى مۇمكىن.

سونداي-اق تىزىمنەن جەكە كەزەككە قويىلاتىن اسكەري قىزمەتشىلەردى الىپ تاستاۋ ماسەلەسى تۇر. ولارعا جەڭىلدىكپەن كرەديتتەۋ جاعدايى ويلاستىرىلۋى مۇمكىن، دەپ حابارلادى Elorda.info.

مەملەكەتتىك قوردان تۇرعىن ۇيگە كەزەككە تۇرعان رەپارتيانتتاردى كەزەك تىزىمىنەن الىپ تاستاۋدى ۇسىندى، دەپ حابارلادى ءماسليحاتتىڭ تۇراقتى كوميسسياسىنىڭ وتىرىسىندا قالالىق تۇرعىن ءۇي باسقارماسىنىڭ باسشىسى رۋسلان احمەتوۆ.

«ءبىز ۇكىمەتكە بىرنەشە رەت ۇسىنىس تاستادىق، ءالى كۇنگە دەيىن بۇل ساناتتى كەزەكتەن الىپ تاستاۋ قاجەتتىگىن تالاپ ەتىپ كەلەمىز. بۇل ۇسىنىسىمىزدى ۇكىمەت قازىر بەلسەندى تالقىلاۋ ۇستىندە»، - دەدى ر. احمەتوۆ.

ونىڭ ايتۋىنشا، مۇلىكتى يەلىكتەن ايىرعان ساتتەن باستاپ بەسجىلدىق مەرزىمگە قاتىستى ماسەلەنى استانا اكىمىمەن تالقىلاۋدا. «ەگەر ادام مەملەكەتتىك قوردان ءبىر كەزدەرى پاتەر السا، ونى تاعى ءبىر ءۇي الۋدان شەكتەۋ قاجەت»، - دەپ اتاپ ءوتتى ول. كۆوتا بويىنشا ورالماندار قازاقستان اۋماعىندا تۇرعىن ءۇي ورنىنا اقشالاي وتەماقى الۋعا قۇقىق بەرەتىن وڭىرلەردىڭ بىرىنە بارا الاتىنى بەلگىلى.

ونى دەرەكقورعا تىركەۋ مۇمكىن ەمەس، سودان كەيىن ولار ەلورداعا كەلەدى دە، تۇرعىن الۋعا كەزەككە تۇرادى. تۇرعىن ءۇي باسقارماسىنا كەزەككە تۇرعان كەزدە ءبىرىنشى كەزەكتە ونىڭ كەمىندە ءۇش جىل استانادا تىركەۋدە تۇرعانى، رەسپۋبليكا اۋماعىندا ءۇيىنىڭ بار-جوعى تەكسەرىلەدى.

«ۆەچەرنيايا استانا» گازەتىنىڭ حابارلاۋىنشا، بۇدان باسقا تۇرعىن ۇيگە تىزىمنەن جەكە كەزەككە قويىلاتىن اسكەري قىزمەتشىلەردى دە الىپ تاستاۋ ماسەلەسى قارالماق. ولارعا جەڭىلدىكپەن كرەديتتەۋ جاعدايى ويلاستىرىلادى. وسىلايشا باسقارما كەزەكتە تۇرعاندار سانىن ەكى ەسە قىسقارتۋعا نيەتتى.

بۇگىندە كوممۋنالدىق تۇرعىن ءۇي قورىنان پاتەرگە مۇقتاج جاندار سانى 45516. ورالماندار - كورشى ەلدەردەن قازاقستانعا قونىستانعان رەپاتريانت قازاقتار (وزبەكستان، قىتاي، موڭعوليا، تۇركمەنيا، رەسەي، قىرعىزستان)، سونداي-اق ازيانىڭ ءبىرقاتار (يران، اۋعانستان، پاكىستان جانە ت. ب. ) ەلدەرىنەن كەلگەن.

رەسمي دەرەكتەرگە سايكەس، 25 جىلدا (1991 -جىلدان باستاپ 2016 -جىلعى 1 -قاڭتارداعى جاعداي بويىنشا) قازاقستانعا 957764 ورالمان كەلگەن. ەگەر ولاردىڭ ۇرپاقتارىن، سونداي-اق قونىس اۋدارۋ بويىنشا مەملەكەتتىك باعدارلامانىڭ كومەگىنسىز كەلگەندەردى ەسكەرسەك، 1 ميلليوننان اسىپ كەتەدى (رەسپۋبليكا قازاقتارىنىڭ 10 پايىزى).

ورالمانداردىڭ ەڭ كوپ شوعىرلانعان جەرى وڭتۇستىك قازاقستان، الماتى، ماڭعىستاۋ وبلىسى، ونىڭ ىشىندە جاڭاوزەن، سونداي-اق الماتى، استانا جانە تاراز قالالارى. 2014 -جىلدان باستاپ استانا مەن الماتى قالالارىنا شەت ەلدەن كەلگەن قازاقتاردىڭ قونىستانۋىنا شەكتەۋ قويىلدى.