شىن جاسى قانشادا ەكەنىن ايتقان قىتاي «قىز» ينتەرنەتتى شۋلاتتى - فوتو، كەسكىن
ايەلدىڭ سۋرەتتەرى قىتايداعى ينتەرنەتتە ەڭ كوپ تالقىلانعان تاقىرىپقا اينالىپ، ميلليونداردى تاڭعالدىردى، - دەپ حابارلايدى Shanghaiist.
«اينالامداعىلار 50 گە كەلىپ قالعانىمدى ەستىگەندە تاڭعالىپ، جاعاسىن ۇستايدى. بالاممەن سەرۋەندەپ جۇرسەم، ونىڭ سۇيىكتى قىزى ەكەن دەپ ويلايدى. شىن جاسىمدى ايتقانىمدا، ادامدار تاڭعالىپ، قالايشا وسىنداي جاس كورىنەتىنىمنىڭ قۇپياسىن بىلگىسى كەلەدى»، - دەيدى ايەل سۇحباتىندا.
ليۋ 1968 -جىلى دۇنيەگە كەلگەن. 1985 -جىلى ول 17 جاستا كىتاپحاناشى بولىپ جۇمىس ىستەي باستايدى. ال قازىر ول زەينەتتە. سۋرەتىنە قاراپ، ونىڭ شىن جاسىن ءدال ايتۋ قيىن. بىردە- ءبىر ءاجىم تۇسپەگەن ايەل ءاردايىم كۇنگە قىزدىرىنادى ەكەن. ايەلدىڭ ايتۋىنشا، 30 جىلدان بەرى سپورتپەن اينالىسۋى جاس كورىنۋىنىڭ باستى قۇپياسى. ول قىسى-جازى سۋى سالقىن كولدە جۇزەدى ەكەن. 
ليۋ قىتايداعى يانسزى (چاڭجياڭ) جانە وڭتۇستىك كورەياداعى حانگان وزەنىن كەسىپ وتكەن. مالايزياداعى پينان شتاتىندا ورنالاسقان اۋداندا مالاكك بۇعازىن دا ءجۇزىپ وتكەن. ونىڭ ۇستىنە بوكسپەن اينالىسىپ، جۇگىرەدى ەكەن. ال فيتنەس ونىڭ ءومىرىنىڭ ءبىر بولىگىنە اينالعان. قىتايلىق ايەل وپا- دالاپ پايدالاناتىنىن جاسىرمادى. ال ءوزىن 15 جاستاعى قىزداي سەزىنەدى ەكەن.
«ءوڭىڭىز قاشىپ كەتسە، بۇل ءسىزدىڭ جەتكىلىكتى تۇردە تەرلەمەگەنىڭىزدى بىلدىرەدى» دەيدى ول ومىرلىك ۇستانىمىن ءتۇسىندىرىپ. ليۋ ەلين كوپ ايەلدى سپورتپەن اينالىسۋعا شابىتتاندىرسام دەيدى.
