07:36, 15 - مامىر 2017 | GMT +5
بيىلعى «جاس قانات» ونەر بايقاۋىنىڭ جەڭىمپازى انىقتالدى - فوتو
استانا. قازاقپارات - استانادا «جاس قانات-2017» رەسپۋبليكالىق جاس ورىنداۋشىلار بايقاۋى مارەگە جەتتى، دەپ حابارلايدى قازاقپارات بايقاۋدىڭ باسپا ءسوز قىزمەتىنە سىلتەمە جاساپ. اقتىق سىندا «التىن قانات» ءۇشىن 5 كونكۋرسانت باق تالاستىردى.
ولار 18 جاستاعى تالدىقورعاندىق ءانشى انەل سمايىلوۆا، پەتروپاۆلدان كەلگەن 20 جاستاعى بۇركىت جاناي، وسكەمەندىك IN CORO توبى، الماتىنىڭ نامىسىن قورعاعان 15 جاستاعى توميريس جانعازينوۆا جانە پاۆلوداردان 28 جاستاعى ماديار باقتياروۆ. قازىلار القاسىنا جەڭىمپازدى تاڭداۋ وڭايعا سوقپادى.
دەگەنمەن، ۇزدىك ءانشى ءارى «جاس قاناتتىڭ» بيىلعى «التىن قاناتىنىڭ» يەگەرى انىقتالدى. ول - ماديار باقتياروۆ.
ەكىنشى ورىن جانە «كۇمىس قانات» بۇركىت جانايعا، ءۇشىنشى ورىن جانە «قولا قانات» IN CORO توبىنا بۇيىردى.
ەسكە سالايىق، «جاس قاناتتىڭ» 2016 -جىلعى جەڭىمپازى سەمەي قالاسىنىڭ جاس ورىنداۋشىسى پاراسات وتان بولدى.
اۆتور: ميرا تولەندى قىزى
