قازاقستان، ەۆروپا جانە ازيا ەلدەرىنە جويقىن كيبەرشابۋىل جاسالدى
بەلگىسىز جويقىن ۆيرۋستىق كيبەرشابۋىل قازاقستان، يندونەزيا، جاپونيا، ۆەتنام، فيليپين، ۋكراينا، تۇركيا، پورتۋگاليا، فرانسيا، يتاليا، گەرمانيا، ۇلى بريتانيا، يسپانيا ەلدەرىنە جاسالعان.
MalwareHunterTeam حالىقارالىق كيبەر قاۋىپسىزدىك ۇيىمىنىڭ مالىمەتىنشە، بەلگىسىز ۆيرۋستان ەڭ كوپ رەسەي مەن تايۆان ەلدەرىنىڭ مەملەكەتتىك جانە جەكە الپاۋىت كومپانيالارى زارداپ شەككەن.
اتاپ ايتقاندا، رەسەيلىك «مەگافون»، «بەلاين» كومپانيالارى مەن رەسەي فەدەراتسياسىنىڭ ىشكى ىستەر مينيسترلىگى.
MalwareHunterTeam ۇيىمىنىڭ حابارلاۋىنشا، كيبەرشابۋىل WanaCrypt0r 2.0 باعدارلاماسى بويىنشا جاسالعان.
ال «كاسپەر زەرتحاناسى» كومپانياسىنىڭ ايتۋىنشا، ءبىر كۇندە بەلگىسىز ۆيرۋس ارقىلى الەمنىڭ 74 ەلىنە 45000 رەت كيبەر شابۋىل جاساعان.
الەمگە ۆيرۋستىڭ جاڭا تۇرىمەن كيبەرشابۋىل جاساپ وتىرعان بەلگىسىز حاكەرلەر، زاقىمدانعان كومپيۋتەرلەردى قايتا قالپىنا كەلتىرۋ ءۇشىن ءار قايسىسىنا 600 دوللاردان قارجى سۇراعان.
