استانادا ۇزدىك اسكەري مەيىربيكەلەر انىقتالدى
مەديتسينالىق پەرسونالدىڭ كاسىبي شەبەرلىگى مەن دايىندىق دەڭگەيىن ارتتىرۋ ماقساتىندا ۇيىمداستىرىلعان ءىس-شاراعا گوسپيتالدىڭ ءتۇرلى ءبولىم وكىلدەرى قاتىستى.
ولار ءتورت كەزەڭ بويىنشا سىنعا ءتۇستى: ءوز-ءوزىن تانىستىرۋ، بليتس-تۋرنير، ءۇي تاپسىرماسى، شۇعىل جاعدايلاردا كومەك كورسەتە ءبىلۋ داعدىلارى جانە سيتۋاتسيالىق جاعدايلاردى شەشە الۋ.
بايقاۋ قورىتىندىسى بويىنشا ءبىرىنشى ورىندى تراۆماتولوگيا بولىمشەسىنىڭ اعا مامانى ەفرەيتور ديانا توقتاروۆا، ەكىنشى ورىندى وتورينولارينگولوگيا بولىمشەسىنىڭ اعا مامانى، ەفرەيتور ماقپال ىبىرايەۆا جەڭىپ الدى. ءۇشىنشى ورىن قابىلداۋ بولىمشەسىنىڭ اعا مامانى، كىشى سەرجانت ارداق كۇرتىبايەۆاعا بۇيىردى.
ءوز كەزەگىندە بايقاۋ جەڭىمپازى ديانا توقتاروۆا: «اسكەري مەديتسينالىق قىزمەتكەر - كۇردەلى كاسىپ. بۇل سالانىڭ مامانى اتانۋى ءۇشىن ەڭ الدىمەن، شىدامدىلىق، اسكەري ءتارتىپ جانە ءبىلىم بولۋ قاجەت. مەنىڭ جۇمىسىم كومەك پەن كۇتىمگە مۇقتاج ادامدارعا جاردەمدەسۋ»، - دەدى.
