13:36, 14 - مامىر 2017 | GMT +5
فرانسيادا فراگوناردىڭ جوعالدى دەپ سانالعان تۋىندىسى تابىلدى
استانا. قازاقپارات - فرانسيانىڭ سولتۇستىك-باتىسىندا نورماندياداعى قورعانداردىڭ بىرىندە XVIII عاسىرداعى فرانسۋز سۋرەتشىسى جان ونورە فراگوناردىڭ ەكى تۋىندىسى تابىلدى.
ولاردىڭ قۇنى 6 ميلليون ەۋروعا باعالانۋدا. «كولەڭكەلەر ويىنى» جانە «اتكەنشەكتەگى ويىن» تۋىندىلارى 1786-جىلدان بەرى جوعالعان دەپ سانالعان.
ونى اۋكتسيون ۇيىمداستىرعان فرانسۋزدىق كومپانيانىڭ مامانى تاپتى. قورعان يەلەرى ولاردىڭ ۇيىندە ۇلتتىق يگىلىك رەتىندە سانالاتىن شەديەۆرلەر جاتقانىنا كۇماندارى بولماعان، ءبىراق كارتينا قاشاننان بەرى ولاردا دەگەن سۇراققا جاۋاپ بەرە المادى.
جەرگىلىكتى مەتسەناتتاردا ونەر تۋىندىلارىن ساتىپ الۋعا قاراجات جيناۋعا ۋاقىت جەتكىلىكتى بولۋ ءۇشىن كارتينانى فرانسيادان 30 اي ىشىندە سىرت ەلگە شىعارۋعا تىيىم سالىندى.
