استانا عيماراتتارىنا سمايلدار جابىستىرىلا باستادى
بەلسەندىلەر رەسپۋبليكا داڭعىلىندا ورنالاسقان عيماراتتاردى قاراپ شىقتى. جاستار كاسىپكەرلىك نىسانداردى، مادەني، سپورت، ءبىلىم، دەنساۋلىق ساقتاۋ مەكەمەلەرىن، تۇرعىن ۇيلەردى، قۇرىلىس الاڭدارىن تەكسەرىپ، باعالادى.
قوزعالىستىڭ ماقساتى - جوعارىدا اتالعان نىسانداردىڭ اۋماعىندا تازالىقتى ساقتاۋدى مونيتورينگىلەۋ. ەشقانداي ەسكەرتۋلەر بولماعان عيماراتتاردىڭ قاسبەتتەرىنە «وتە جاقسى» دەگەن باعانى بىلدىرەتىن سمايل، ال اۋماعىن جيناۋدى قاجەت ەتەتىن نەمەسە تازالانباعان كاسىپورىندارعا «بۇل جەردى جينا» دەگەن بەلگىنى بىلدىرەتىن قىزىل سمايل جابىستىرىلادى.
قوزعالىس استانا اكىمى اسەت يسەكەشەۆتىڭ باستاماسىن قولداۋ اياسىندا قۇرىلدى. ەلوردا باسشىسى جاستاردى قالا بويىنشا قوزعالىس قۇرىپ، بەس جوبانى قولعا الۋدى ۇسىندى: «استانا - دەنى ساۋ جانە سپورت سۇيەتىن ادامداردىڭ قالاسى»، «استانا - مەيىرىمدى جانە ءجۇزى جىلى ادامدار قالاسى»، «استانا - تازا قالا»، «استانا Smart City»، «اقجارقىن استانا».
