ەلىمىز اتوم ءوندىرىسى سالاسىنا قاجەتتى مامانداردى دايىندايتىن بولادى

استانا. قازاقپارات - ەلىمىزدە اتوم سالاسىندا جۇمىس ىستەيتىن بىلىكتى مامان تاپشى. ۋرانعا باي كەن ورىندارىن بارلاپ، ونى وندىرىستىك باعىتتا بايىتۋ ماسەلەسى العا باسپاي تۇرعانى سودان.

 وسى ماسەلەنى شەشۋ ءۇشىن كەلەر جىلدان باستاپ وسكەمەندە يادرولىق فيزيكا سالاسىنىڭ ماماندارى دايارلانا باستايدى. بۇل ءۇشىن شىعىستاعى جوعارعى وقۋ ورىندارىنىڭ بىرىندە ارنايى كافەدرا اشىلدى.

 الەمدەگى جالپى ۋران قورىنىڭ 15 پروتسەنتى قازاقستان جەرىندە. بۇگىندە ەلىمىز بويىنشا 50-دەن استام كەن ورنىندا ۋران وندىرىلەدى. ياعني ۋراندى بەيبىت ماقساتتا پايدالانۋ ءوندىرىسى بۇرىننان جولعا قويىلعان. تەك بۇل سالا بويىنشا قازىر جاڭا تەحنولوگيامەن جۇمىس ىستەيتىن بىلىكتى مامان جوقتىڭ قاسى. سوندىقتان ۋران بايىتاتىن كاسىپورىن مەتاللۋرگيا جانە فيزيكا ماماندىعى بويىنشا ديپلوم العان جاستاردى قايتا دايارلىقتان وتكىزىپ، جۇمىسقا قابىلداپ كەلەدى.

 ءمادينا مۇحامەدجانوۆا، ءۇلبى مەتاللۋرگيالىق زاۋىتىنىڭ مەنەدجەرى:

 - قازىر ۋران وندىرىسىندە جۇمىس ىستەپ جۇرگەن مامانداردىڭ ورتا جاسى 40-تان اسىپ قالدى. ياعني كوبى اعا بۋىن سانالادى. بۇل سالادا اعا بۋىن وكىلدەرىنىڭ جولىن جالعاستىراتىن جاس مامانداردى تەزىرەك دايىنداۋ قاجەت.

ۋران ءوندىرىسى ورگە باسۋ ءۇشىن وڭىردەگى تەحنيكالىق جوعارعى وقۋ ورىندارىنىڭ بىرىندە يادرو- فيزيكتەردى دايارلايتىن كافەدرا قۇرىلاتىن بولدى. وندا ۋران وندىرىسىندە جۇمىستى ەندى باستاعان جاس ماماندار مەن ۋيۆەرسيتەتتە مەتاللۋرگيا باعىتى بويىنشا وقىپ جاتقان ستۋدەنتتەر 4 كۋرستى بىتىرگەن سوڭ ماگيسترلىككە قابىلدانادى.

ماديار ءسادۋاقاسوۆتىڭ يادرولىق- اتوم سالاسىن يگەرۋ -  بۇرىننان ارمانى بولعان. بولاشاقتا شەتەلدە وقۋىن جالعاستىرۋعا بەكىنگەن. ەندى وسكەمەننىڭ وزىندە اتوم سالاسى بويىنشا ءبىلىم الۋعا بولاتىنىن ەستىپ، قاتتى قۋانىپ ءجۇر. ال ۋران ءوندىرىسىنىڭ مامانىنان قازىردىڭ وزىندە قاجەتتى كەڭەس الا باستادى.

 ماديار ءسادۋاقاسوۆ، ستۋدەنت:

 - نەگىزىنەن قازاقستان رەسپۋبليكاسىندا اتوم- ەنەرگەتيكالىق سالاسى بۇرىننان دامىپ كەلە جاتىر. بۇرىننان بار. ءبىز، جاس ماماندار، وسى اتوم- ەنەرگەتيكاسىن ارى قاراي دامىتۋىمىز كەرەك. مەنىڭ بولاشاقتا وسىنداي جوسپارىم بار.

اتوم- ەنەرگەتيكا سالاسىندا جاڭادان دايارلاناتىن ماماندار الەمدەگى وزىق وقۋ ورىندارىنىڭ باعدارلاماسى بويىنشا ءبىلىم الادى. تەك قازاقستان ەمەس شەتەلدىكتەردىڭ دە ءبىلىم الۋىنا مۇمكىندىك بار. تامارا سەگەدا، فيزيكا- ماتەماتيكا عىلىمدارىنىڭ كانديداتى - وقۋ باعدارلاماسى الەمدىك تاجىريبە بويىنشا جاسالعاندىقتان حالىقارالىق كافەدرا سانالادى. سوندىقتان ەڭ نەگىزگىسى -  بىلىكتى مامان دايارلاۋ. بۇل ماماندار عىلىمي- زەرتتەۋ جانە ونىدىرستىك باعىتتا ءبىلىم الاتىندىقتان اشىق جانە ەشقانداي شەكتەۋ بولمايدى. بيىل قىركۇيەك ايىنان باستاپ، 3 توپ بويىنشا 300-گە جۋىق ماگيسترانت وقۋعا قابىلدانادى. ال بولاشاق ماماندار شەتەلدىڭ جەتەكشى وقۋ ورىندارىنىڭ ماماندارىنان ءدارىس تىڭداپ، ۋران بايىتاتىن وندىرىستە تاجىريبەدەن وتەدى.

 اۆتورلارى: ولجاس كەرەيحان، دميتريي پىحتين

www.khabar.kz