استاناداعى العاشقى اۋىل شارۋاشىلىعى جارمەڭكەسىنىڭ باعالارى قانداي

استانا. قازاقپارات - استانادا وڭستۇستىك قازاقستان وبلىسىنىڭ اۋىل شارۋاشىلىعى جارمەڭكەسى اشىلدى. قازاقپارات ءتىلشىسى وڭتۇستىك وڭىرىنەن كەلگەن تاۋارلاردىڭ باعاسىن كورىپ قايتتى.

 و ق و- نىڭ تاۋار وندىرۋشىلەرى كوكونىستى كوپتەپ اكەلدى. سونىڭ ىشىندە قىزاناق پەن قياردىڭ كولەمى باسىم. قىزاناقتىڭ ءبىر كەلىسى 500 تەڭگەدەن ساتىلسا، قيار 200-350 تەڭگەدەن ساتىلىپ جاتىر. ال قىرىققاباتتىڭ ءبىر كەلىسى 115 تەڭگە تۇرادى. بۇدان بولەك، شۇجىق ونىمدەرى - 850-1400 تەڭگە، جۇمىرتقا - 230-270 تەڭگە، جىلقى ەتى - 1500 تەڭگە، سونداي- اق بالىقتىڭ ءتۇر- ءتۇرى بار. ماسەلەن، سازاننىڭ سۇبەسىن 1300 تەڭگەگە، ال كوكسەركەنىڭ سۇبەسىن 2200 تەڭگەگە ساتىپ الۋعا بولادى.

ايتا كەتەيىك، بۇگىننەن باستاپ استانادا اۋىل شارۋاشىلىعى جارمەڭكەلەرىنىڭ ماۋسىمى باستالدى. بيىل ەكسپو - 2017 كورمەسىنىڭ اشىلۋىنا بايلانىستى جارمەڭكەلەر ماۋسىمى ەرتە اشىلىپ، قازان ايىنا دەيىن جالعاسادى. اكىمدىكتىڭ اقپاراتىنا سايكەس، جارمەڭكەدە ساتىلاتىن ونىمدەردىڭ باعاسى 15-20 پايىزعا ارزان بولادى. جارمەڭكە «قازاقستان» سپورت كەشەنى جانىندا وتەدى.

اۆتور: ارمان اسقاروۆ