بايقوڭىرداعى ەكى مىڭ رەسەيلىك وتانىنا كوشۋى مۇمكىن

استانا. قازاقپارات - رەسەيلىك ومبۋدسمەن پۋتينگە قازاقستاننىڭ قالاسىنداعى رەسەيلىكتەردىڭ پروبلەمالارى تۋرالى ايتىپ بەردى.

رەسەيدىڭ ادام قۇقىعى جونىندەگى ۋاكىلى تاتيانا موسكالكوۆا ۆلاديمير پۋتيننەن بايقوڭىردا تۇراتىن ەكى مىڭ رەسەي ازاماتىن وتانىنا قونىستاندىرۋ پروبلەماسىن شەشۋدى سۇرادى. بۇل تۋرالى كرەملدىڭ سايتىنا سىلتەمە جاساي وتىرىپ Kazdala.kzحابارلايدى.

«جەكەلەگەن اۋماقتار بويىنشا پوبلەمالار بار. قازىرگى كۇنى بايقوڭىرداعى ەكى مىڭ ازامات رەسەيگە قونىس اۋدارا الماي وتىر، سەبەبى باعدارلاما ءوز ارەكەتىن توقتاتقان. مەن سىزگە ارناپ ارنايى ۇندەۋ- حات دايىندادىم. سونى قاراپ، ءتيىستى شارا قابىلداۋىڭىزدى وتىنەمىن»، - دەپتى موسكالكوۆا پۋتينگە.

اۋماعىندا رەسەي جالعا الىپ وتىرعان عارىش ايلاعى بار بايقوڭىردىڭ دەموگرافيالىق تاريحى وتە ەرەكشە. قالانىڭ نەگىزى قالانعاننان باستاپ ەكى ونجىلدىق بويى قالا تۇرعىندارىنىڭ باسىم بولىگى تەك سلاۆياندىق ۇلتتاردان (وفيتسەرلەر مەن ىسساپارمەن كەلەتىن ازاماتتىق مامانداردىڭ باسىم بولىگى ر ك ف سر، ۋكراين ك س ر، بەلورۋس ك س ر) قۇرالىپ، 1975 -جىلعا دەيىن جەرگىلىكتى حالىق قالا سانىنىڭ 1 پايىزعادا جەتپەيتىن.

ال، 2007 -جىلعا قاراي مۇنداعى جەرگىلىكتى حالىقتىڭ سانى 70 پايىزعا جەتتى.