بەيجىڭدەگى مەترودا قازاقستاننىڭ مادەنيەتى بەينەلەنگەن ۆاگوندار پايدا بولدى - فوتو
دەپ حابارلايدى «قازاقپارات» ح ا ا قىتايداعى ءتىلشىسى.
مەتروداعى «قازاقستاندىق» ۆاگونداردا قازاقتىڭ ءداستۇرلى ويۋ- ورنەگى جانە كيىز ۇيىمەن قوسا، بۇركىتشىنىڭ اڭ اۋلاپ جاتقان ساتتەگى سۋرەتتەرى، قوجا احمەت ياسساۋي كەسەنەسى، «نۇر استانا» مەشىتى، بايتەرەك مونۋمەنتى جانە قازاقستاننىڭ باسقا دا كورىكتى جەرلەرى بەينەلەنگەن.
«ءبىزدىڭ مەدياورتالىق جولاۋشىلار تاسىمالدايتىن «سزينگان» مەترو كومپانياسىمەن بىرلەسە وتىرىپ، سيۋان ۋمەن مەترو ستانتسياسىندا (مەترونىڭ 4- شى جانە 2- شى تارماقتارىنىڭ قيىلىسىندا) جانە مەترونىڭ 4-جەلىسىندە قاتىنايتىن تەمىرجول قۇرامىندا «ءبىر بەلدەۋ، ءبىر جول» ەكسپوزيتسياسىن ۇيىمداستىردى. ونىڭ ماقساتى - بەيجىڭ تۇرعىندارىن «ءبىر بەلدەۋ، ءبىر جول» بويىنداعى ەلدەردىڭ مادەنيەتى جانە تابيعاتىمەن تانىستىرۋ»، - دەدى قازاقستاندىق جۋرناليستەرگە سۇحبات بەرۋ بارىسىندا «شينحۋا» اگەنتتىگى اقپاراتتىق ورتالىعىنىڭ وكىلى سزياو سيۋيفەن.
ونىڭ ايتۋىنشا، ستانسيا ارقىلى كۇنىنە 1,2 ميلليون جولاۋشى قاتىنايدى. ەكسپوزيتسيادا 12 ەل كورسەتىلگەن: قازاقستان، يران، تۇرىكمەنستان جانە ت. ب. «مەن 2015-2016 -جىلدارى قازاقستاندا بولدىم، سىزدەردىڭ ەلدەرىڭىزدىڭ تابيعاتى قاتتى ۇنادى. قازاقستان قىتايدىڭ «ءبىر بەلدەۋ، ءبىر جول» ستراتەگياسىن قولدايدى - ونى «نۇرلى جول» جاڭا ەكونوميكالىق ساياساتىن ۇسىنعانىنان كورە الامىز. 2017 -جىل ق ر- دا قىتاي تۋريزمىنىڭ جىلى بولىپ جاريالاندى. قىتايلىق تۋريستەردىڭ قازاقستان تۋرالى جاقىننان تانىسۋىنا مۇمكىندىك جاسايمىز دەپ ويلايمىن»، - دەپ اتاپ ءوتتى ول.
مەترو ۆاگوندارىنداعى جارنامالىق تاقتالاردا قازاقستان تەك مۇناي مەن استىققا عانا ەمەس، سونداي- اق اسەم تابيعات پەن مادەنيەتكە دە باي دەپ جازىلعان.
ەسكە سالايىق، كۇن سايىن بەيجىڭ مەتروسىمەن 10 ميلليوننان استام جولاۋشى جۇرەدى. 14-15 - مامىر كۇندەرى بەيجىڭدە «ءبىر بەلدەۋ، ءبىر جول» ستراتەگياسى اياسىندا حالىقارالىق ىنتىماقتاستىق بويىنشا جوعارى دەڭگەيدەگى فورۋم وتەدى. بۇل فورۋمعا 29 ەلدىڭ پرەزيدەنتى مەن پرەمەر- ءمينيسترى، سونىڭ ىشىندە قازاقستان پرەزيدەنتى نۇرسۇلتان نازاربايەۆ تا قاتىسادى.
