تۇركى الەمىنىڭ ادەبيەتشىلەرى رۋحاني بايلانىستاردى نىعايتپاق

تۇركىستان. قازاقپارات - تۇركىستان قالاسىندا تۇركى الەمى ادەبيەتىنىڭ كىتاپ كورمەسى مەن اقىن- جازۋشىلارىنىڭ دوڭگەلەك ۇستەل وتىرىسى ءوتتى.

شاراعا وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ، تۇركسوي ۇيىمىنىڭ باس حاتشىسى دۇيسەن قاسەيىنوۆ، تۇركيا، قىرعىزستان، تۇرىكمەنستان، وزبەكستان، ازەربايجان، تاتارستان، قازاقستاننىڭ استانا، الماتى قالالارىنىڭ جانە ءوڭىرىمىزدىڭ كورنەكتى قالامگەرلەرى قاتىستى، دەپ حابارلايدى قازاقپارات ح ا ا ءتىلشىسى.

 كيەلى شاھاردا وتكەن باس قوسۋ ءتۇبى ءبىر تۇركىتىلدەس ەلدەردىڭ ءوزارا ىنتىماقتاستىق، دوستىق قارىم- قاتىناسىن نىعايتىپ، باۋىرلاس ەلدەردىڭ اقىن- جازۋشىلارىنىڭ شىعارماشىلىق بايلانىسىن دامىتۋ ماقساتىندا ۇيىمداستىرىلدى. كەزدەسۋدە جازۋشىلار تۇركىتىلدەس ەلدەردىڭ، ونىڭ ىشىندە قازاق ادەبيەتىن ناسيحاتتاۋ جايى مەن كەشەگى ەلباسىمىزدىڭ «بولاشاققا باعدار: رۋحاني جاڭعىرۋ» ماقالاسى اياسىندا پىكىر الماستى.

 

باسقوسۋدا تۇركسوي ۇيىمىنىڭ باس حاتشىسى دۇيسەن قاسەيىنوۆ جازۋشى، قىرعىز رەسپۋبليكاسى مادەنيەتىنە ەڭبەگى سىڭگەن قايراتكەر كالەن سىدىقوۆ، جازۋشى، ءازىربايجان رەسپۋبليكاسىنىڭ قالامگەرى زاحيد حاليلوۆتار شىعارماشىلىق بايلانىستاردى نىعايتا ءتۇسۋ ماسەلەسىن كوتەردى.

 جيىندا ءسوز العان وبلىس اكىمى جانسەيىت تۇيمەبايەۆ مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ايرىقشا، باعدارلامالىق ماقالاسىنىڭ ماڭىزدىلىعىنا توقتالىپ، الداعى ورتاق ماقسات- مىندەتتەردى ءسوز ەتتى.

«جالاۋىن جوعارى ۇستاپ، نامىسىن ەشكىمگە تاپتاتپاعان ەجەلگى تۇركى حالىقتارىنىڭ بۇگىنگى ۇرپاقتارى ءبىر- بىرىمەن رۋحاني تۋىستىق قارىم- قاتىناسى ءارقاشان دا جوعارى بولا بەرەدى. سىزدەرگە تۇرىك ەلدەرىنىڭ سالت- داستۇرلەرىن، رۋحاني مادەنيەتىن دامىتۋ جولىندا اتقارىپ جاتقان ەڭبەكتەرىڭىز ءۇشىن العىسىم شەكسىز!» ، - دەدى وبلىس اكىمى.

 اتالعان شارا اياسىندا تۇركىتىلدەس ەلدەردىڭ ادەبيەتىن، مادەنيەتىن ناسيحاتتاۋ ماقساتىندا تۇركىستانداعى وقو تاريحي مادەني ەتنوگرافيالىق ورتالىعىندا «تۇركى الەمى: ادەبي - مادەني ءداستۇر» اتتى تۇركىتىلدەس ەلدەر قالامگەرلەرى شىعارمالارىنىڭ كىتاپ كورمەسى اشىلدى.

 

شارا سوڭىندا وبلىس اكىمى ءبىرقاتار زيالى قاۋىم وكىلىنە وبلىستىڭ 85 جىلدىعىنا وراي العىس حات تابىس ەتىپ، يىقتارىنا شاپان جاپتى. ودان بولەك، جازۋشى ەركىنبەك تۇرىسوۆ، زاكىر اسابايەۆ باستاعان 10 اقىن- جازۋشىعا تۇركسوي ۇيىمىنىڭ مەدالدارى مەن قۇرمەت گراموتالارى تابىس ەتىلدى.

اۆتور: اينۇر اقبايەۆا