ق ر باس پروكۋراتۋراسى قارجى پيراميدالارىنان ساق بولۋعا شاقىردى
ق ر باس پروكۋراتۋراسىنىڭ باسپا ءسوز قىزمەتى تاراتقان مالىمەتتەرگە قاراعاندا، قازىرگى كەزدە عالامتور مەن ەلەكتروندى تولەم قۇرالدارى قارقىندى دامۋدا. نارىقتا وسى قۇرالدارعا اقشانى ءتيىمدى ينۆەستيتسيالايمىز دەگەن سياقتى كوپتەگەن ۇسىنىستار بار. الايدا كوپشىلىك ادامدار ونى قالاي دۇرىس جاساۋ كەرەكتىگىن بارلىعى بىردەي بىلە بەرمەيدى. ونى الاياقتار ءوز ماقساتتارىنا پايدالانۋدا ەكەن.
ق ر باس پروكۋراتۋراسى ازاماتتاردى قارجى پيراميدالارىنان ساق بولۋعا شاقىرا وتىرىپ، قىزىلوردا وبلىستىق پروكۋراتۋراسىنىڭ باستاماسىمەن ىشكى ىستەر ورگانى وسى جىلدىڭ 15 - ناۋرىزىنان «Questra Holdings Inc.» قاتىستى قىلمىستىق ءىس جۇرگىزىپ جاتقاندىعىن، ءى ءى م- نە بۇكىل ەل بويىنشا تەرگەۋ ۇيىمداستىرۋ ءۇشىن تەرگەۋ توبىن قۇرۋعا نۇسقاۋ بەرگەندىگىن، ۇلتتىق بانكپەن، ءى ءى م- مەن جانە مەملەكەتتىك كىرىستەر كوميتەتىمەن بىرىگىپ جاعدايدى باقىلاۋعا الىپ، قارجى پيراميدالارىنىڭ قىزمەتتەرىن بۇلتارتپاۋ ءۇشىن شارالار قابىلداپ جاتقاندىعىن حابارلادى.
ەسكە سالا كەتەيىك، بۇعان دەيىن ءماجىلىس دەپۋتاتى بەكبولات تىلەۋحان پالاتانىڭ پلەنارلىق وتىرىسىندا ق ر باس پروكۋرورى جاقىپ اسانوۆقا جولداعان دەپۋتاتتىق ساۋالىندا Questra World قارجى پيراميداسىنىڭ قىزمەتىن باقىلاۋعا الۋدى سۇراعاندىعىن جازعان بولاتىنبىز.
