روبوت سۇڭقار اۋەجاي ماڭىنداعى قۇستاردى قۋاتىن بولدى

استانا. قازاقپارات - كاناداداعى حالىقارالىق ەدمونتون اۋەجايى جاز كەزىندە Robird روبوت سۇڭقاردىڭ كومەگىمەن اۋە كەمەلەرىنىڭ ۇشىپ- قونۋىنا كەدەرگى كەلتىرەتىن قۇستاردى قۋۋدى باستايدى.

 بۇل تۋرالى Edmonton Sun حابارلادى.

 Robird - سىرتقى كەلبەتى سۇڭقارعا ۇقسايتىن قاشىقتان باسقارىلاتىن قۇرىلعى. تەمىر قۇستى نيدەرلانديادا تۆەنتە ۋنيۆەرسيتەتىنىڭ عالىمدارى ازىرلەدى، ال كوممەرتسيالىق نۇسقاسىن lear Flight Solutions كومپانياسى شىعارادى. Robird اۋىل شارۋاشىلىعىندا (قاراجيدەك باعىنان قۇستاردى قۋۋ ءۇشىن) پايدالانىلىپ ءجۇر. ول گەرمانيادا ديۋسسەلدورف اۋەجايىندا سىناقتان ءساتتى ءوتتى. سالماعى 750 گرام Robird ساعاتىنا 70 شاقىرىم جىلدامدىقپەن ۇشا الادى. قۋاتتى 12 مينۋتقا جەتەدى. اۋەجايدىڭ تابيعات مامانىنىڭ ايتۋىنشا، بۇل ۇشاق ۇشار نەمەسە قونار كەزدە قۇستاردى قۋىپ ۇلگەرۋگە جەتكىلىكتى. ەدمونتون اۋەجايىندا قازىر وسى ماقساتقا لازەرلەر مەن دىبىستى قۇرىلعىلاردى قولدانۋدا، الايدا قۇستار مۇندايعا ۇيرەنىپ الاتىن كورىنەدى.