الەمگە تانىلعان ديماش قۇدايبەرگەندى تۇركى تىلدەس ەلدەردىڭ ب ا ق- تارى ايتارلىقتاي كورسەتە المادى - نۇرتورە ءجۇسىپ
سوندىقتان بولاشاقتا تۇركى بالاسىنىڭ كەز كەلگەن جەتىستىگىن كەڭىنەن ناسيحاتتاپ، ماڭىزدى وقيعاعا اينالدىرۋىمىز كەرەك.
تۇركى الەمى ەلدەرى ب ا ق وكىلدەرىنىڭ باسىن قوسقان حالىقارالىق جۋرناليستەر فورۋمىندا ءسوز سويلەگەن «ايقىن» گازەتىنىڭ باس رەداكتورى نۇرتورە ءجۇسىپ وسىلاي ايتتى. تانىمال جۋرناليست سونداي- اق باۋىرلاس ەلدەردەگى ارىپتەستەرىن بىرىگىپ ءجۇمىس ىستەۋگە شاقىردى، دەپ حابارلايدى قازاقپارات ح ا ا ءتىلشىسى.
«بىرلىك ماسەلەسىن قاراپايىم دۇنيەلەردەن باستاعان دۇرىس دەپ ويلايمىن. ماسەلەن، تۇركى بالاسى عارىشقا ۇشاتىن بولسا دا، جاڭاعىداي ۇلكەن جەتىستىككە جەتەتىن بولسا دا ءبىز سول اقپاراتتى ماڭىزدى كەڭىنەن كورسەتۋگە تىرىسۋىمىز كەرەك. ماسەلەن سول ديماشتى فرانسيا ەلىندەگىدەي شاقىرىپ، تۇركيادا، ازەربايجاندا، قىرعىزستاندا شاقىرىپ ءان ايتتىرسا نەسى ايىپ. الدىمىزدا «ەكسپو-2017» حالىقارالىق كورمەسىنە باۋىرلاس ەلدەردىڭ تانىمال انشىلەرى كەلىپ، قازاق، تۇرىك ەلدەرىندە ءان ايتسا دەگەن ويلار كەلەدى» ، - دەدى نۇرتورە ءجۇسىپ.
ول سونىمەن قاتار وسى تۇركى تىلدەس ەلدەرىنىڭ اقپارات كەڭىستىگىن دامىتۋ ءۇشىن ونداعى جەتەكشى اقپارات اگەنتتىكتەرى ءوزارا مەموراندۋمعا قول قويىپ، بارلىق رۋحاني، مادەني، تاريحي وسىنداي ورتاق اقپاراتتاردى بىرلەسە ناسيحاتتاۋ جونىندە ءوزارا كەلىسىمگە كەلۋگە شاقىردى.
« تۇركى الەمىنىڭ ۇلكەن تۇلعالارىن بىرىكتىرۋ كەرەك دەپ ويلايمىن. ماسەلەن، الەمنىڭ ەكىنشى اريستوتەلى اتانعان ءال- ءفارابيدى نەگە ناسيحاتتاماسقا. ونى زەرتتەيتىن جاس عالىمداردى ماراپاتتاپ، قاناتتاندىرسا دەگەن ۇسىنىسىم بار. ودان كەيىن قوجا احمەت ياساۋي مۇرالارىن تارحي ساباقتاستىق، باۋىرلاستىق رەتىندە نەگىزگى ءبىر باسىمدىققا الۋعا بولادى. سونىمەن قاتار تۇركى ەلدەرىنە ورتاق قورقىت اتا مۇرالارىن ناسيحاتتاسا بولادى دەپ ويلايمىن. بۇل ىستەر ءبىزدىڭ باۋىرلاستىعىمىزدى كۇشەيتكەننەن باسقا زيانى بولماس ەدى. تۇركى ەلدەرى اراسىندا مادەنيەتىن، سالت ءداستۇرىن دارىپتەيتىن فيلمدەر تۇسىرىلسە بولار ەدى» ، - دەدى «ايقىن» گازەتىنىڭ باس رەداكتورى.
اۆتور: اينۇر اقبايەۆا
