جۇمىسشىلارىنا ەڭ كوپ جالاقى بەرەتىن ەلدەر انىقتالدى
شۆەيتساريادا جۇمىسشىلاردىڭ تازا بازالىق جالاقىسى رەيتينگتەگى باسقا ەلدەرمەن سالىستىرعاندا شامامەن %50 عا جوعارى.
Willis Tower Watson كونسالتينگتىك فيرماسى جۇرگىزگەن زەرتتەۋدە كورسەتىلگەندەي، شۆەيتساريالىقتاردىڭ ايلىعى باسقا 15 ەلدەگى ارىپتەستەرىنىڭ تابىسىنان الدەقايدا جوعارى. شۆەيتساريادا ءتىپتى كارەراسىن ەندى باستاعان قىزمەتكەر مەن ورتا بۋىندى مەنەدجەردىڭ وزدەرى كوپ جالاقى الادى ەكەن.
جالاقى مولشەرى قامتىلعان رەيتينگ 60 مەملەكەت پەن 50 ماماندىق ءتۇرى بويىنشا جاسالعان. رەيتينگكە سايكەس، شۆەيتساريادا ورتا بۋىندى قىزمەتكەردىڭ ورتاشا تازا جالاقىسى جىلىنا 151346 ەۋرونى قۇراعان. بۇل تىزىمدە ەكىنشى ورىندا 101764 ەۋرومەن ليۋكسەمبۋرگ تۇر.
ال مانسابىن ەندى عانا باستاعان شۆەيتساريالىقتاردىڭ ورتاشا ايلىعى 82582 ەۋروعا تەڭ. ەكىنشى ورىندا دانيا - 54940 ەۋرو.
