رونالدۋمەن سۋرەتكە ءتۇسۋ ءۇشىن قانشا قارجى شىعىنداۋ كەرەك؟

استانا.قازاقپارات - «رەال» فۋتبول كلۋبىنىڭ كوشباسشىسى كريشتيانۋ رونالدۋ الەمدەگى ەڭ كوپ تابىس تاباتىن فۋتبولشىلاردىڭ ءبىرى.

 ونىڭ جالاقى مەن سىياقىدان بولەك قوسىمشا تابىس كوزدەرى دە بار. پورتۋگالدىق فۋتبولشىمەن سۋرەتكە ءتۇسىپ، ودان قولتاڭبا العىسى كەلەتىن سپورتسۇيەر قاۋىمنىڭ سانى از ەمەس. ونداي مۇمكىندىك ەكىنىڭ بىرىنە بۇيىرا بەرمەيدى. ال اقشاڭ بولسا رونالدۋمەن سۋرەتكە ءتۇسىپ، قالجىڭداسۋعا دا بولادى. سوندا قانشا قارجى كەرەك؟ ول ءۇشىن 1 ميلليون 152 مىڭ ا ق ش دوللارىڭ بولسا جەتكىلىكتى. كريشتيانۋ رونالدۋ جوعارىدا ايتىلعان كولەمدەگى قارجى ءۇشىن 4,5 ساعات ۋاقىتىن بولە الادى.

ول ۋاقىت ارالىعىندا فۋتبولشىمەن سۋرەتكە ءتۇسىپ، 5 جەيدەسىنە قولتاڭبا قويدىرىپ الۋعا مۇمكىندىك بەرىلەدى. سونداي- اق الەۋمەتتىك جەلىدەگى پاراقشالارىنىڭ بىرىندە اقشا تولەگەن تۇلعا نەمەسە كومپانيا ءۇشىن ەكى حابارلاما جاريالايدى. ودان وزگە رونالدۋدىڭ سۋرەتىن ءبىر كۇن ىشىندە جارناما ءۇشىن پايدالانۋعا رۇقسات بەرىلەدى. وسىعان دەيىن ساۋد ارابياسى، قىتاي مەن جاپونيا ەلدەرىنىڭ كومپانيالارى 1 ميلليون 152 مىڭ دوللار تولەپ، رونالدۋدى جارنامالىق ماقساتتا كەزدەسۋگە شاقىرعان.

Massaget.kz