اعىلشىنشا ءمىنسىز سويلەگەن ماقپال ءجۇنىسوۆانىڭ قىزى جۇرتتى تاڭداي قاقتىردى - كەسكىن
سەبەبى ءجۇنىسوۆا بۇگىنگى زاماننىڭ ءتىل ءبىلۋدى قاجەت ەتەتىنىن بىلەدى.
بۇل تۋرالى Stan.kz حابارلايدى.
مەرەيدىڭ ءان ايتاتىن دا قابىلەتى بار. مەرەكەلىك دۋمانداردىڭ بىرىندە ول اناسىنا ءان ارناپ، كوپشىلىكتى ءتانتى ەتتى. دەگەنمەن ول ساحناعا اسا قۇشتار ەمەس.
بۇل تۋرالى ماقپال ءجۇنىسوۆا ب ا ق- قا بەرگەن سۇحباتتارىنىڭ بىرىندە ايتقان بولاتىن. ەسەسىنە مەرەيدىڭ ءتىل بىلۋگە دەگەن ىنتاسى زور، تالابى تاۋداي.
بىرنەشە ساعات بۇرىن ماقپال ءجۇنىسوۆا قىزىنىڭ مەكتەپتە اعىلشىن تىلىنەن سايىسقا قاتىسىپ جاتقانىن حابارلاپ، مەرەيدىڭ اعىلشىنشا سويلەپ وتىرعان ساتىنەن ۆيدەو جاريالادى.
«بۇگىن مەنىڭ مەرەيجانىم مەكتەبىندە اعىلشىن تىلىنەن دوداعا ءتۇسىپ جاتىر، گۇلناز اپايى ءۇزىندى جىبەرىپتى»، - دەپ جازدى حالىق ءارتىسى.
جەلىدەگىلەر مەرەيدىڭ شەت تىلىندە ەركىن ءارى اكسەنتسىز سويلەگەنىنە قايران قالدى. كوشىلىك مەرەيدىڭ اكەسى زامانبەك نۇرقادىلوۆكە ۇقساعانىن ايتىپ جاتىر.
«جاقسى سويلەيدى ەكەن، ءتىل كوزىم تاسقا»، «مەرەي، جارايسىڭ! ماقپال اپاي، مەرەي تەك بيىكتەردەن كورىنسىن»، «تالابىنا نۇر جاۋسىن، تەك بيىكتەردەن كورىنسىن»، «وزىڭىزدەن اۋماي قالىپتى، ءتىل بىلگەنى كەرەمەت»، « ءبىرتۋار ازاماتتىڭ كوزى مەرەيجان، بوتام تالابىڭ تاۋداي بولسىن»، «قاباعىن ءتۇيىپ سويلەگەنى اكەسىنەن اۋمايدى ەكەن»، «جارايسىڭ، مەرەيجان، اكەڭ ءبىر اۋناپ تۇسكەن بولار»، - دەپ تامساندى جەلى وقىرماندارى.
Бүгін менің Мерейжаным мектебінде ағылшын тілінен додаға түсіп жатыр, Гүлназ апайы үзінді жіберіпті.
