ايگىلى كورەيلىك ءانشى بىردەن ەكى كليپ شىعارىپ، جەلىنى ءدۇر سىلكىندىردى - ۆيدەو

استانا. قازاقپارات - وڭتۇستىك كورەيانىڭ ايگىلى ءانشىسى PSY ءوزىنىڭ YouTube جەلىسىندەگى رەسمي ارناسىندا بىردەن ەكى جاڭا كليپىن جاريالاپ، جەلىنى ءدۇر سىلكىندىردى.

بەينەباياناردىڭ ءارقايسىسىن بىرنەشە ساعات ىشىندە ميلليوننان استام ادام تاماشالاپ ۇلگەرگەن دەپ حابارلايدى NUR. KZ.

تانىمال ءانشى «»І Luv ІТ دەپ اتالاتىن ءانىنىڭ كليپىنە «Pen-Pineapple-Apple-Pen» انىمەن گيننەستىڭ رەكوردتار كىتابىنا ەنگەن جاپوندىق ءانشى تارو پيكو مەن «ۆا-بانك» تەلەحيكاياسى ارقىلى حالىققا كيم ينا رەتىندە تانىلعان اتاقتى اكتەردى قاتىستىرعان.

ال «New Face» انىنە تۇسىرىلگەن ەكىنشى بەينەبايانىندا ول ءتۇرلى ماماندىق يەسى بولىپ جۇرەدى. ەكى كليپتە دە بيلەپ ءجۇرىپ ءان ايتاتىنى بەسەنەدەن بەلگىلى شىعار.

ءوزىنىڭ ەرەكشە ءبيى مەن نەشە ءتۇرلى وبرازدارى ارقىلى الەمگە ايگىلى بولعان ءانشى مۇنىمەن ەلدى تاڭعالدىرۋىن توقتاتپايتىن سەكىلدى.