ەلوردادا حالىقارالىق ۇرمەلى اسپاپتار فەستيۆالى وتەدى
4-6- شىلدە كۇندەرى ارالىعىندا قالانىڭ بارلىق الاڭىندا ادەمى اۋەندەر ەستىلەتىن بولادى، دەپ حابارلايدى قازاقپارات استانا اكىمدىگىنىڭ رەسمي سايتىنا سىلتەمە جاساپ.
بيىل فەستيۆالگە استانا قالاسىنىڭ مەملەكەتتىك اكادەميالىق فيلارمونياسىنىڭ، ق ر ۇلتتىق ۇلاننىڭ، م ك ق- نىڭ، موڭعوليا قورعانىس مينيسترلىگى اسكەري ۋچيليشەسىنىڭ، سونداي-اق بىشكەك قالاسىنىڭ مەرياسى جانىنداعى ۇرمەلى اسپاپتار وركەسترلەرى قاتىسادى.
شارانىڭ اشىلۋى 4- شىلدەدە ساعات 20:00 دە قالالىق الاڭدا وتەدى. كەلەسى كۇنى ساعات 10:00 دە مۋزىكالىق مەرەكە قالالىق ساياباقتاردا جانە باسقا الاڭداردا جالعاسىن تابادى.
ال كەشكە «بايتەرەك» مونۋمەنتىنىڭ جانىندا بەند-مارافون ۇيىمداستىرىلادى. فەستيۆالدىڭ سوڭعى كۇنى بارلىق ۇجىمداردىڭ قاتىسۋىمەن پاراد-كونسەرت وتەدى.
شەرۋ رەسپۋبليكا داڭعىلىمەن اسكەري-تاريحي مۋزەيدەن جاستار سارايىنا دەيىن ءجۇرىپ وتەدى. «استانا سامالى-2017» فەستيۆالى قالالىق الاڭدا پلاتس-كونسەرتپەن اياقتالادى.
