دجەك ما (ما يۋن) جايلى نە بىلەسىز؟
ول Alibaba Group، جوعارى تابىستى ينتەرنەت بيزنەس توبىنىڭ نەگىزىن قالاۋشى جانە اتقارۋشى ءتوراعاسى. ول Forbes مۇقاباسىنا العاش رەت پايدا بولعان قىتايلىق كاسىپكەر.
2004 -جىلى Bloomberg كومپانياسىنىڭ مالىمەتى بويىنشا دجەك مانىڭ جەكە بايلىعى 32,7 ميللياردتى قۇراپ، الەمدە 18- جانە قىتايداعى ەڭ باي ازامات رەتىندە تىركەلدى.
دجەك ما مۋزىكانتتار وتباسىسىندا دۇنيەگە كەلگەن. ما يۋن اعىلشىن تىلىنە كىشكەنتايىنان قىزىعادى. بالا كەزىندە ءتىل ۇيرەنۋ ماقساتىندا جاقىن جەردەگى قوناق ۇيلەرگە كەلىپ، تۋريستتەرمەن اڭگىمەلەسەتىن بولعان. "دجەك" دەپ ونى تۋريستتەر اتاپ كەتكەن. دجەك جوعارى وقۋ ورنىنا ەكى جىل قاتارىنان تۇسە الماعان، كەيىننەن اعىلشىن ءتىلى پانىنەن مۇعالىم ماماندىعىن ءتامامدايدى. مۇعالىمدىكتە ايىنا $12-15 عانا تابىس تاپقان. بۇنى از كورىپ جۇمىس ىزدەپ 15 تەن اسا مەكەمەگە سۇحباتتاسۋعا بارادى، الايدا ەشكىم ونى قابىلداماعان.
العاش رەت 1995 -جىلى ا ق ش- تا بولعان كەزىندە ول ينتەرنەتپەن تانىسادى. دوستارى بۇل جەردەن بارلىق زاتتى تابۋعا بولاتىنىن تۇسىندىرەدى. ەڭ ءبىرىنشى ىزدەگەن ءسوزى "سىرا" بولادى، ءبىراق "قىتاي سىراسى" دەپ جازسا ىزدەۋ جۇيەسى تاپپايدى. وسىدان باستاپ دجەكتە عالامتور الەمىنە قىزىعۋشىلىق پايدا بولىپ ، ونى ءوز وتانىندا جۇرگىزۋگە بەل بۋادى. ميللياردەردىڭ باسشىلىق ەتەتىن كومپانياسىنىڭ اتاۋى دا قىزىق - اليبابا ، ول ونى ەرتەگىمەن بايلانىستىرىپ، جانە قاي تىلدە ايتسا دا جەڭىل ەستىلەتىنىن ەسكەرگەن. بيزنەستە وزىندىك پرينتسيپتەرى بار تۇلعا. مىسال كەلتىرە كەتسەم:
كاسىپكەرلىك پەن ساياسات ەكى ۇلكەن الەم، ول ەكەۋىن قاتار الىپ جۇرمەۋ قاجەت.
كومپانيانى باسقارۋدا 3 نارسەگە نازار اۋدارادى. 1-كليەنت، 2-جۇمىسشى، 3-اكسيونەر. ا ق ش- تا ءبىرىنشى ورىندا اكسيونەردى قويادى، ءبىراق بۇل تۇجىرىم قاتە. ەگەر سىزدە كليەنت بولماسا، ءسىز بانكروتسىز(زيان شەكتىڭىز) جانە كريزيس(داعدارىس) بولعاندا ەڭ ءبىرىنشى بولىپ اكسيونەر قاشىپ كەتەدى، ال جۇمىسشى مەن تۇتىنۋشى قالادى. سونىمەن قاتار، استاناعا كەلگەن كەزدەسۋىندە قازاقستاننىڭ العا دامۋى ءۇشىن شاعىن جانە ورتا بيزنەسكە باستى اكسەنت قويۋىن اتاپ ءوتتى.
كومپانيا سوڭعى 3 جىلدان باستاپ قانا ميللياردتاپ تابىس اكەلۋدە، وعان دەيىن ءبىر دوللار تاپپاسا دا، ەرتەڭگى كۇنگە دەگەن ۇلكەن سەنىم جانە پوچتاعا كەلگەن تۇتىنۋشىلاردىڭ ىستىق لەبىزدەرى موتيۆاتسيا بولا ءبىلدى. بايلىعى بويىنشا الەمدە 18 ورىندا تۇرعان الپاۋىت ۇلكەن جەتىستىككە جەتۋ ۋاقىتتى تالاپ ەتەتىنىن كورسەتە الدى. Forbes-قا ءبىرىنشى بولىپ سۋرەتى شىققان قىتايلىق دجەك ما بۇل كۇندە ەكى بالانىڭ اكەسى.
«قابىلان اقپاراتتىق پورتالى»
