ەندى «قاشۋ» تۇرىكشە سويلەدى
اتالعان ءىس-شاراعا قازاقستاننىڭ تۇركياداعى ەلشىلىگىنىڭ ديپلوماتى مالىك وتاربايەۆ، ەۋرازيا جازۋشىلار قاۋىمداستىعىنىڭ ءتوراعاسى ياكۋب وماروعلى، «كاردەش كالەملەر» جۋرنالى باس رەداكتورىنىڭ ورىنباسارى وسمان چەۆيكسوي، ادەبيەتتانۋشى- عالىم ءجاميليا كىنادجى، اۋدارماشى اريف اجالوعلى، تۇرىكتىڭ بەلگىلى قالامگەرلەرى اتالاي ياعمۋر، نازمي شيمشەك، تانجۋ كارا، الپەر شەنادام جانە تاعى باسقا زيالى قاۋىم وكىلدەرى قاتىستى.
جيىندا ءسوز سويلەگەن ەۋرازيا جازۋشىلار وداعىنىڭ ءتوراعاسى ي. وماروعلى قازاقستان مەن تۇركيا اراسىنداعى مادەني- گۋمانيتارلىق قارىم- قاتىناستىڭ قارقىندى دامىپ وتىرعاندىعىن جەتكىزدى. ەلباسى ن. نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنا ارقاۋ بولعان رۋحانيات پەن مادەنيەتتىڭ جاڭارۋ ماسەلەسىنىڭ وتە ورىندى كوتەرىلگەندىگىن، ماقالاداعى ۇسىنىستاردىڭ تەك قازاقستانعا عانا ەمەس، تۇركىتىلدەس ەلدەرگە دە قاجەتتى ەكەندىگىن ايتتى.
سونىڭ ءبىر دالەلى رەتىندە تۇساۋى كەسىلگەن «قاشۋ» اتتى پوۆەسىنىڭ جارىق كورۋى دەپ كورسەتتى. سونىمەن قاتار يا. وماروعلى «قاشۋ» اتتى كىتاپتىڭ روماننىڭ جۇگىن كوتەرەتىندىگىن جەتكىزىپ، كىتاپتى قازاق روماندارى سەرياسىمەن باسىپ شىعارعاندىعىن حاباردار ەتتى. جازۋشى و. چيەۆيكسوي ر. سەيسەنبايەۆتىڭ شىعارمالارىنان قازاق دالاسىنىڭ ءيىسى اڭقيتىندىعىن جەتكىزسە، قالامگەرلەر ا. ياعمۋر مەن ن. شيمشەك كورنەكتى جازۋشىنى قۇتتىقتاپ، جۇرەكجاردى تىلەكتەرىن جەتكىزدى.
كىتاپتى تۇرىك تىلىنە اۋدارعان - فيلولوگيا عىلىمىنىڭ دوكتورى، اۋدارماشى ا. اجالوعلى. دەرەككوز: «انا ءتىلى» گازەتى (اۆتورى - باعداگۇل بالاۋبايەۆا)
