استانادا جاڭا وقۋ جىلىنىڭ باستالۋى كەيىنگە شەگەرىلۋى مۇمكىن

استانا. قازاقپارات - ەلوردادا جاڭا وقۋ جىلىنىڭ باستالۋىن كەيىنگە شەگەرۋ ماسەلەسى قاراستىرىلۋدا.

بۇل جايىندا ق ر ءبىلىم جانە عىلىم ۆيتسە- ءمينيسترى ەلميرا سۋحانبەرديەۆا ءمالىم ەتتى، دەپ حابارلايدى قازاقپارات.

«قازىرگى ۋاقىتتا ەلوردانىڭ ءبىلىم باسقارماسىمەن كەلەسى وقۋ جىلىنىڭ باستالۋىن كەيىنگە شەگەرۋ ماسەلەسى بويىنشا كەلىسسوزدەر جۇرگىزىلۋدە. ءاربىر قالا اۋماقتىق نەگىزدە وقۋ جىلىنىڭ باستالۋىن وزگەرتۋ ماسەلەسىن دەربەس شەشە الادى. ءبىلىم جانە عىلىم مينيسترلىگى بۇكىل ەلگە قاتىسى بار بولعان كەزدە عانا بۇيرىق بەرەدى»، - دەدى ول.

وسى رەتتە سۋحانبەرديەۆا ۋنيۆەرسيادا وتكىزىلگەن كەزدە الماتىنىڭ قالالىق ءبىلىم باسقارماسى دەمالىس ۋاقىتى مەن وقۋ توقسانىن كەيىنگە شەگەرۋ تۋرالى ماسەلەنى دەربەس شەشكەندىگىن اتاپ ءوتتى. ال استاناداعى جاڭا وقۋ جىلىنىڭ باستالۋ مەرزىمىنىڭ كەيىنگە شەگەرىلۋى ەكسپو-2017 حالىقارالىق مامانداندىرىلعان كورمەسىنىڭ ەلوردادا وتۋىمەن بايلانىستى بولماق.

«جول- كولىك جەلىسىنە جۇكتەمە جوعارى بولۋى مۇمكىن. سوندىقتان ەلوردانىڭ ءبىلىم باسقارماسى وقۋشىلارعا العاشقى قوڭىراۋدى ادەتتەگىدەي 1 - قىركۇيەكتە وتكىزىپ، ال ساباقتى 12 - قىركۇيەكتە باستاۋ تۋرالى ۇسىنىسپەن شىقتى»، - دەدى ۆيتسە- مينيستر.

 وسى رەتتە ول وقۋ كۇندەرىنىڭ قىسقارۋى ءبىلىم ساپاسىنا كەرى اسەرى بولماۋى تيىستىگىن باسا ايتتى. ونىڭ سوزىنە قاراعاندا، وقۋ پروتسەسى تاقىرىپتارىن قايتالاۋ سىندى ماسەلەلەر قاراستىرىلۋدا. ءبىراق ناقتى شەشىم شىققان جوق. بارلىعى دا كەلىسسوزدەر ساتىسىندا جۇرگىزىلۋدە.

 «ەگەر مەكتەپتەردە 5 كۇندىك ەنگىزەتىن بولساق، وندا باستاۋىش سىنىپتارعا قوسىمشا - 5، ال جوعارى سىنىپتارعا قوسىمشا 8 كۇن كەرەك بولادى»، - دەدى سۋحانبەرديەۆا.

اۆتور: مارلان جيەمباي