قازاقستان مەتسەناتتارى: حالىقپەن اقشاسىن بولىسۋگە دايىن بايلار كىمدەر؟
بۇل سۇراققا جاۋاپتى NUR. KZ پورتالى ىزدەپ كوردى.
جاقىندا نۇرسۇلتان نازاربايەۆ بايلاردى اقشاسىن حالىقپەن بولىسۋگە شاقىرعان بولاتىن. سودان كەيىن اقتوبەدە بيلىككە جانايقايىن جەتكىزگەن قىز بالاعا وتاندىق ميلليونەر ءۇي سىيلاپ، جۇرتتى ءبىر قۋانتقان ەدى.
بەلگىلى بولعانداي، مۇنداي قايىرىمدىلىق شارالارى قازاقستاندا تالاي جاسالعان. تەك ولاردى كوبى جاريا ەتىپ جاتپايدى. سونىمەن حالىققا كومەك قولىن سوزعان ميلليونەرلەر كىم؟
ايدىن راقىمبايەۆ
BI Group باسشىسى بۇگىندە Forbes ءتىزىمىنىڭ 20- ورنىنان تابىلىپ وتىر. ونىڭ مۇلكى 295000000 دوللارعا باعالانعان. ايدىن راقىمبايەۆ اقشاسىمەن بولىسكەندى ۇناتاتىنىن جاسىرمايدى. ونىڭ باستاماسىمەن قازاقستاننىڭ بارلىق وڭىرلەرىندە «انالار ءۇيى» سالىندى. بۇگىندە ولارعا قازاقستاننىڭ ونداعان مەتسەناتى قولداۋ كورسەتىپ وتىر.
ونداي ۇيلەردە اياعى اۋىر نەمەسە جاڭادان انا اتانعان ايەلدەرگە قيىندىقتاردان قۇتىلىپ، اياقتان تۇرۋىنا جاعداي جاسالادى. ميلليونەردىڭ ءوزى بولسا، وسكەمەن مەن استاناداعى «انالار ءۇيىن»، بالالار ءۇيى تۇلەكتەرىنە قولداۋ كورسەتۋ ورتالىعىن جانە بالالاردى اسىراپ الۋعا قولداۋ كورسەتۋ ورتالىعىن قامتاماسىز ەتىپ وتىر. 2016-جىلى ول بۇل باعىتتا 68 ميلليون تەڭگەسىن جۇمسادى.
سونىمەن قاتار، ونىڭ كومپانياسى «BI- جۇلدىزاي» قورى ارقىلى مۇمكىندىگى شەكتەۋلى بالالارعا كومەكتەسەدى.
داۋرەن جاقسىبەك
«انالار ءۇيى» اۋقىمدى جوباسىنىڭ ەكىنشى قولداۋشىسى - ادىلبەك جاقسىبەكوۆتىڭ ۇلى. Forbes-2016 تىزىمىنە سايكەس، بيزنەسمەن داۋرەن جاقسىبەك 486000000 دوللار بايلىققا يە. ول «سەسنا» كورپوراتسياسىنىڭ %45 ىنا يەلىك ەتەدى. قايىرىمدىلىققا جانى جاقىن.
ول قازاقستان بويىنشا «انالار ۇيىنە» جىل سايىن ميلليونداپ قارجى قۇيادى. جەلىدە مەتسەناتتىڭ قايىرىمدىلىقتارى تۋرالى اقپاراتتى ايتارلىقتاي كوپ تابا المايسىز. ول مۇنى جاسىرىن ۇستاعاندى ءجون سانايدى.
نۇرلان سماعۇلوۆ
قۇرامىنا «استانا موتورس» پەن MEGA كىرەتىن Astana Group يەسىنىڭ مۇلكى - 400000000 دوللار. بيزنەسمەن اقشاسىن قىمبات كارتينالارعا عانا ەمەس، قايىرىمدىلىققا دا جۇمسايدى.
ماسەلەن، سماعۇلوۆ قازاقستاندىق بالالارعا سۋ جاڭا كولىكتى ءجيى سىيعا تارتىپ تۇرادى - 2017-جىلى «استانا موتورس» ءۇش Hyundai ميكرواۆتوبۋسىن «SOS بالالار اۋىلىنا» جانە ءبىر ميكرواۆتوبۋستى استاناداعى «بالالار ۇيىنە» سىيلاعان بولاتىن.
سونىمەن قاتار ونىڭ MEGA كومپانياسى الماتىلىقتارعا ۇلكەن سپورت پاركىن سىيلادى. ال جاقىندا پەتروپاۆلدىڭ تاسقىننان زارداپ شەككەن تۇرعىندارىنا تەگىن مىڭداعان كيىمنەن باستاپ، ازىق-تۇلىككە دەيىن تاراتىلدى.
ۆياچەسلاۆ كيم
قازاقستاندىق بيزنەسمەن ۆياچەسلاۆ كيمنىڭ بايلىعى 275000000 دوللارعا باعالانعان. بۇگىندە ول Forbes ءتىزىمىنىڭ 21- ورنىندا. ول Kaspi Bank اكسيونەرلىك قوعامىنىڭ %58 ىن، Magnum Cash Carry كومپانياسىنىڭ %35 ىن، «كولەسانىڭ» %17 ىن، «السەكونىڭ» %45 ىن جانە «ينتەرفينانستىڭ» %100 ىن يەلىك ەتەدى.
وسى جىلى ۆياچەسلاۆ ميحايل لومتادزەمەن بىرگە قازاقستاندا اۋتيزمگە شالدىققان بالالار ءۇشىن ءۇي اشتى. ول «ميلوسەرديە» قورىنا «بالالارعا ءومىر سىيلا» جوباسى اياسىندا قاراجات اۋدارىپ، كىشكەنتايلاردىڭ شەتەلدە ەمدەلۋىنە جاعداي جاساپ وتىر.
ءنۇرالى اليەۆ
كاسىپكەر ءارى نۇرسۇلتان نازاربايەۆتىڭ نەمەرەسى دە قاراپايىم حالىققا بەلسەندى كومەكتەسەدى. ول جارىمەن بىرگە «ZHANARTU» قايىرىمدىلىق قورىن قۇرعان - قور IT- سالاسىندا جاس دارىنداردى انىقتاپ، ولاردىڭ باستامالارىنا قارجى ءبولىپ وتىرادى.
ودان بولەك، ءنۇرالى اليەۆ «انالار ءۇيى» جوباسىنا قاراجات بولەدى. ونىڭ الماتى، قاراعاندى، ورال جانە قىزىلورداداعى ۇيلەردى قامتاماسىز ەتىپ كەلە جاتقانىنا بىرنەشە جىلدىڭ ءجۇزى بولدى. 2016-جىلدىڭ مالىمەتتەرىنە سايكەس، اتالمىش ءتورت ۇيدە 400 دەن استام بالا جەتىم اتانۋدان قۇتقارىلدى.
ايتا كەتەرلىگى، بۇل تىزىمگە ءوز قايىرىمدىلىقتارى مەن جاقسى ىستەرىن جالپاق جۇرتقا جاريا ەتۋدەن اۋلاق تالاي مەتسەنات ەنبەي قالدى.
