ديماش تۋرالى كىتاپ ساتىلىمعا شىقتى

استانا. قازاقپارات - وسىدان از عانا ۋاقىت بۇرىن شەتەلدەگى دودالاردا ەلىمىزدىڭ نامىسىن قورعاپ جۇرگەن تانىمال ءانشى ديماش قۇدايبەرگەن تۋرالى كىتاپتىڭ جارىققا شىققانى جونىندە حابارلاعان ەدىك.

جاقىندا سول كىتاپ ساتىلىمعا شىقتى. بۇل تۋرالى كىتاپ اۆتورى اقىن وڭايگۇل تۇرجان ءوزىنىڭ ينستاگرام الەۋمەتتىك جەلىسىندەگى پاراقشاسىندا مالىمدەدى.

اۆتوردىڭ ايتۋىنشا كىتاپقا تاپسىرىس بەرۋشىلەر سانى كوپ. ەلىمىزدىڭ تۇكپىر-تۇكپىرىنەن سۇرانىستار ءتۇسىپ جاتقان كورىنەدى. كىتاپقا تاپسىرىس بەرۋ ءۇشىن 87012509783 (اۆتوردىڭ ءوز ءنومىرى) نومىرىنە حابارلاسىڭىز. تاياۋ كۇندەرى استانادا بۇل كىتاپتىڭ تۇساۋكەسەرى وتەدى.

ەستەرىڭىزگە سالا كەتەيىك، ديماش كەشە بەيجىڭ قالاسىندا «Power Rangers» فيلمىنىڭ پرەمەراسىنا قاتىستى.

ءانشى بۇل ايدا قىتايدا وتەتىن بىرنەشە باعدارلاماعا تۇسەدى. تۋعان قالاسى اقتوبەدە ديماش اتىنداعى باق اشىلدى. قىتاي ەلشىلىگى قۇرمەت گراموتاسىمەن ماراپاتتادى. سونىمەن بىرگە ول پاريجدەگى «Global Gift Gala» گالا-كەشىنە شاقىرتۋ الدى.

Massaget.kz