الماتىدا ارنايى وپەراتسيا ءجۇرىپ، قىلمىستىق توپ مۇشەلەرى ۇستالدى - فوتو
مارينا ميحتايەۆا ەسىمدى قالا تۇرعىنى Instagram جەلىسىنە وقيعا ورنىنان فوتو جۇكتەدى.
«مەنىڭ ءۇيىمنىڭ جانىندا ءۇش ەر ادام جاتىر، كىسەن سالىنعان، پوليتسيا، كەپتەلىس»، - دەپ جازدى ول.
ارنايى وپەراتسيا جاندوسوۆ پەن التىنسارين كوشەلەرىنىڭ قيىلىسىندا بولدى دەپ جازادى Sputnik قازاقستان.
ءوز كەزەگىندە الماتى پوليتسياسىنىڭ وكىلدەرى قىلمىستىق توپتىڭ ءۇش مۇشەسىن ۇستاۋ بويىنشا ارنايى وپەراتسيا جۇرگىزىلگەنىن حابارلادى.
«كريمينالدىق پوليتسيا باسقارماسى قىلمىستىق توپتىڭ جولىن كەسۋ بويىنشا ارنايى وپەراتسيا جۇرگىزدى. ولار - الماتى وبلىسىنىڭ تۇرعىندارى، پاتەر مەن كولىكتەردى توناپ جۇرگەن. تاعى ءبىر نۇسقا بويىنشا، ولار كولىكتەردى تەحنيكالىق قۇرالدارمەن سكانداۋ ارقىلى اشىپ، توناعان.
ولار كولىكپەن كەتىپ بارا جاتقاندا الدىنا توسقاۋىل قويىلىپ، ۇستالدى»، - دەدى الماتى ءى ءى د رەسمي وكىلى سالتانات ازىربەك.
