شيگەو ەلباسىنا نازاربايەۆ ۋنيۆەرسيتەتىنىڭ جەتىستىكتەرى جونىندە باياندادى
كەزدەسۋدە مەملەكەت باسشىسىنا ءبىلىم بەرۋ مەكەمەسىنىڭ جۇمىس ناتيجەلەرى تۋرالى ەسەپ بەرىلىپ، ۋنيۆەرسيتەتتىڭ قۇرىلعانىنان بەرگى جەتىستىكتەرى جانە ونى بۇدان ءارى دامىتۋ جوسپارلارى جونىندە باياندالدى.
ەلباسىعا «نازاربايەۆ ۋنيۆەرسيتەتى» دەربەس ءبىلىم بەرۋ مەكەمەسى 7 جىلداعى ءوز جۇمىسى بارىسىندا جەتەكشى حالىقارالىق جوعارى وقۋ ورىندارىنىڭ ۇزدىك تاجىريبەسىن قابىلداعانى، سونداي- اق وقۋ ورنىندا بولاشاعىنان ءۇمىت كۇتتىرەتىن ەڭ دارىندى ستۋدەنتتەردى ىرىكتەۋگە سەپتىگىن تيگىزەتىن مەريتوكراتيا قاعيداتى ەنگىزىلگەنى مالىمدەلدى.
شيگەو كاتسۋدىڭ ايتۋىنشا، ۋنيۆەرسيتەتتە قازىرگى كەزدە مىقتى زەرتتەۋ ينستيتۋتى بار، بۇل ۇلتتىق دەڭگەيدە تۇراقتى ارىپتەستىكتى قالىپتاستىرۋ ءۇشىن تەحنولوگيالاردى دامىتۋعا، ءبىلىمدى جەتىلدىرۋگە زور مۇمكىندىك بەرەدى. بيىل «نازاربايەۆ ۋنيۆەرسيتەتى» دەربەس ءبىلىم بەرۋ مەكەمەسىنىڭ ءۇشىنشى تۇلەكتەرى وقۋدى ءتامامدايدى.
