داياشى قىز قالاي دۋباي حانزاداسىنىڭ ايەلى اتاندى - فوتو
كۇن سايىن 19 جاستاعى ناتاشا الييەۆا اۆتوبۋسقا وتىرىپ، ءوزىنىڭ اۋىلى سموليەۆيچتەن مينسكتەگى دەنە شىنىقتىرۋ اكادەمياسىنا بارۋ ءۇشىن 35 قاشىقتىق جەر جۇرەتىن. بوس ۋاقىتىندا ول قوناق ۇيدە داياشى بولىپ، اقشا تاباتىن.
ول ەشقاشان ءوز ءومىرى بۇگىنگىدەي ەرتەگىگە بەرگىسىز بولادى دەپ ويلاماعان.
سۇلۋ، وتە اۋقاتتى جانە سپورتشى دۋباي باسشىسى سايد بەن ماكتۋمنىڭ جيەنى قابىرعاعا وق اتۋ جارىسىنا قاتىسۋ ءۇشىن مينسككە كەلەدى.
ول نومىرىنە اپەلسين شىرىنىنا تاپسىرىس بەرەدى. تاپسىرىستى جەتكىزۋگە ناتاشانى جىبەرەدى. وتە نازىك، كەلبەتى شىعىس حالقىنا كەلەتىن قىز (ناتاشانىڭ اكەسى - ازەربايدجان ۇلتىنان) حانزاداعا بىردەن ۇناپ قالىپ، سول ساتتەن باستاپ جەمىس-جيدەك پەن شىرىندى ونىڭ بولمەسىنە تەك ناتاشا اپارادى.
حانزادا بويجەتكەندى سوزگە تارتقانىمەن، قىز ءوزىنىڭ اعىلشىن تىلىندە ناشار سويلەيتىنىنە قاتتى ۇيالادى.
ءبىراق، سايد قىزدىڭ ۇيالعانىنا قاراماستان، ونىمەن بارىنشا سويلەسۋگە تىرىسادى. ول ناتاشانى وزىمەن بىرگە جاتتىعۋعا بارۋعا كوندىرگەن.
كەيىننەن ەكەۋى بىرگە تاماقتانىپ، قالانى ارالايدى.
«سايد شەشىمدى تەز قابىلدايتىن جان»، - دەيدى ناتاشانىڭ اپكەسى گالينا. بىرنەشە كۇن وتە سالىسىمەن ول ناتاشادان «مۇسىلمان ءدىنىن قابىلدايسىڭ با؟»، - دەپ سۇراعان.
ونىڭ ەرتەسىنە ۇيلەنۋ تۋرالى ۇسىنىس جاساپتى.
بۇدان كەيىن ول سۇيىكتىسىنىڭ قولىن سۇراۋ ءۇشىن، قىزدىڭ اتا-اناسىنىڭ الدىنا كەلەدى. بويجەتكەننىڭ اناسى - قاراپايىم مەدبيكە. ول قۇرمەتتى قوناعىن قايدا وتىرعىزارىن بىلمەي، كۇنى بويى اس ۇيدەن شىقپاعان.
سايد اۋدارماشىسىمەن كەلىپ، ءتاتتى تاعامداردى ماقتاپ، ءازىل ايتقان. سوسىن: «مەن، شەيح سايد، دۋباي حانزاداسى ءسىزدىڭ قىزىڭىزبەن التى رەت كەزدەستىم جانە ول ماعان قاتتى ۇنايدى. رۇقسات بولسا، مەنىڭ ونىمەن وتباسىن قۇرعىم كەلەدى»، - دەگەن.
قىزدىڭ اكە-شەشەسى سايدتىڭ تاعى ءبىر ايەلى بولعاندىقتان بىردەن جاۋاپتارىن ايتپاي، ويلانعان ەدى. ءبىراق، ناتاشانىڭ باقىتتان بالبۇل جانعان ءجۇزىن كورىپ، باتالارىن بەرەدى.
ولار مينسكتە ءوز وتباسىلارىمەن شاعىن توي جاسايدى. بىرنەشە كۇننەن كەيىن جاستار دۋبايعا كەتكەن. بۇعان دەيىن بىردە-ءبىر دۋباي حانزاداسى ورىس قىزىن الماعاندىقتان، ناتاشانىڭ بىرىككەن اراب امىرلىكتەرىنە بارۋى جۇرتتىڭ ءبارىن تاڭعالدىرادى.
ادەتتە ول جاقتا حالىق شەيحتاردىڭ ايەلىنىڭ اتى-ءجونىن دە بىلمەيتىن بولعان. ءبىراق، قاراپايىم اۋىلدان شىققان ستۋدەنت قىزدىڭ، حانزادانىڭ بولمەسىنە شىرىن اپارىپ بەرىپ، وزىنە عاشىق قىلۋى ادام سەنگىسىز وقيعا بولعان.
دۋبايعا ناتاشانى اكەسى ىزدەپ بارعاندا، ول كۇيەۋى سىيلاعان «ينفينيتي» كولىگىمەن قارسى العان.
يسلام ءدىنىن قابىلداعان سوڭ، ناتاشا ءوز ەسىمىن دە وزگەرتكەن. قازىر ونى - مادام ايشا دەپ اتايدى. ول ەليتالى دجۋمەير اۋدانىندا تۇرادى.
«مەن ومىرىمدە وسىنداي كەرەمەت سۇلۋلىقتى العاش كورىپ وتىرمىن. ناتاشانىڭ ەكى قىزمەتكەرى، ءبىر اسپازشىسى مەن باعبانى بار. اۋلادا تاۋىستار جۇرسە، ۇيدە گەپارد جۇرەدى. ەندى كۇيەۋىنەن پانتەرا باعۋدى سۇراپ ءجۇر ەكەن»، - دەيدى قىزدىڭ اكەسى.
كۇيەۋ بالاسى قايىن اتاسىن ءوز ەلىنە كوشىرىپ الۋدى دا ۇسىنعان ەكەن، ءبىراق تۋعان جەرىن قيماعان مۋسليم ونىڭ بۇل ۇسىنىسىنان باس تارتقان.
