بۇركىتتىڭ ايشاسى باقىتتى ايەل بولۋدىڭ سىرىن اشتى
ول ايەلدەرگە ءبىرىنشى كەزەكتى وزدەرىن ويلاۋعا كەڭەس بەردى. بۇل تۋرالى Stan.kz حابارلايدى.
«نەلىكتەن باقىتتى بولۋ - ايەلدىڭ ءبىرىنشى مىندەتى؟ ايەل باقىتتى بولسا، اينالاداعىلاردىڭ ءبارى باقىتتى. ول باقىتىن وزگەگە «جۇقتىرىپ»، وتە تارتىمدى بولا تۇسەدى. ونىڭ جانىندا بولعىڭ كەلەدى، ونىڭ قاسىندا كۇن جارقىراي، ال ءومىردىڭ بوياۋى قانىق بولا تۇسەدى. ول اينالاسىن پوزيتيۆكە تولتىرىپ، كۇلكىسىمەن جىلىتادى. مۇنداي كۇن نۇرىنداي ايەلدى كىم ارمانداماسىن؟ ءوزىڭ باقىتتى بولساڭ عانا، وزگەگە كومەكتەسە الاسىڭ. ال وزىڭدە جوق نارسەنى باسقاعا سىيلاۋ قيىن. ونداي كەزدە سەن تەك وزگەدەن الىپ، سونىمەن جان جارالارىڭدى ەمدەيسىڭ، ءبىراق ول تەپە-تەڭدىكتى بۇزادى. ۇنەمى الا بەرىپ، ەشتەڭەنى قايتارماۋ مۇمكىن ەمەس نارسە. باقىتتى ادام ءبىر عانا كوزقاراسىمەن كەلىسى ادامنىڭ ىشىندەگى كۇدىكتى سەيىلتىپ، ىشكى ۋايىمىن جوق قىلا الادى.
ايەل ادام ءوزىن ۇمىتىپ، تەك وزگەلەردى ويلاپ، سولاردى باقىتتى ەتۋگە تىرىساتىن بولسا، ۋاقىت وتە كەلە ونىڭ ءوزى باقىتسىز بولادى، ءوزىن-ءوزى جوعالتىپ، ارماندارىن ۇمىتادى. ءوزىنىڭ ارتىقشىلىقتارىنا، جالپى وزىنە ءمان بەرمەي، ءوزىنىڭ بار مۇمكىنشىلىكتەرىن دامىتپايدى. سول سەبەپتى «الدىمەن مەن باقىتتىمىن، سودان كەيىن باسقالار، الدىمەن ءوزىمدى ويلايمىن، سوسىن بارىپ باسقالاردى» دەۋ كەرەك.
باقىتتى بولعان - ۇتىمدى. ەنەرگياڭ قانشالىقتى كوپ بولسا، اقشاڭ دا سونشالىقتى مول بولادى، ال باقىتىڭ ەسەلەنگەن سايىن - ەنەرگياڭ ارتا تۇسەدى.
بۇدان بولەك، باقىت ادامنىڭ بارلىق باقىتتى ءارى جاعىمدى ەموتسيونالدىق كۇيلەرىن تۇرلەندىرەدى. ءدال ءوزى سياقتى كوڭىلدى ءارى باقىتتى، ءوزىنىڭ ومىرىنە كوڭىلى تولاتىن، باقىتىمەن بولىسكىسى كەلىپ تۇراتىن ادامداردى وزىنە تارتادى. باقىتتى كەزدە ءىستىڭ بارلىعى جىلدام اتقارىلادى، ارماندار دا تەز ورىندالادى، ومىرگە دەگەن كوزقاراس جەڭىلدەي تۇسەدى. زەرتتەۋلەرگە سۇيەنسەك، باقىتتى انانىڭ بالاسى دا (اسىرەسە، قىز بالا) باقىتتى بولادى. سوندىقتان تىم قۇرىعاندا بولاشاق ءۇشىن باقىتتى بولۋىڭىز كەرەك»، - دەپ جازدى ايشا جەلىدەگى پاراقشاسىندا.
