بيىلعى ءپىتىر ساداقا مولشەرى بەكىتىلدى

استانا. قازاقپارات - وسكەمەن قالاسىندا وتكەن قازاقستان مۇسىلماندارى ءدىني باسقارماسىنىڭ ءتورالقا ماجىلىسىندە بيىلعى رامازان ايىندا بەرىلەتىن ءپىتىر ساداقا مولشەرى انىقتالدى.

ءار وبلىستاعى ءبيدايدىڭ باعاسى ەسكەرىلىپ، ورتاق مولشەرمەن بەكىتىلدى. ءتورالقا ءماجىلىسى مۇشەلەرىنىڭ ءبىراۋىزدى شەشىمىمەن بيىلعى ءپىتىر ساداقا مولشەرى - 300 تەڭگە بولىپ بەكىتىلدى، دەپ جازادى قازاقستان مۇسىلماندارى ءدىني باسقارماسىنىڭ باسپا ءسوز قىزمەتى.

ايتا كەتەيىك، ءپىتىر ساداقانى قۇرمانىڭ، مەيىزدىڭ، ارپانىڭ، ءبيدايدىڭ قۇنىمەن دە بەرۋگە بولادى.

ەگەر ءپىتىر ساداقانى بيدايمەن بەرەتەن بولساڭىز، ءار ادام ءۇشىن جارتى ساع. ال جارتى ساع 1 كەلى 625 گرامعا تەڭ. اقشامەن ەسەپتەگەندە (ءار ايماقتىڭ ءبيداي باعاسىنا قاراي) 1 كەلى 625 گرامنىڭ قۇنىن بەرۋ كەرەك. قۇرما، مەيىز، ارپادان دا ءبىر ساعتىڭ (3,25 كەلى) قۇنىن بەرۋ قاجەت.

ەسكە سالا كەتەيىك، ءپىتىر ساداقانى رامازان ايىنىڭ ءبىرىنشى كۇنىنەن ورازا ايت نامازىنا دەيىن بەرۋگە بولادى.