سۇلتاندار ءوز گارەمىنە جاڭا ايەلدى قالاي تاڭداپ وتىرعان؟ - فوتو
بۇل سۇراقتارعا جاۋاپتى NUR. KZ پورتالى fishki.net سايتىنا سىلتەمە جاساپ نازارلارىڭىزعا ۇسىنادى.
تۇرىك شەجىرەشىسى دۋرسۋن- بەي كەزىندە سۇلتاندارعا تيەسىلى گارەمدەر تۋرالى ءبىرقاتار ەستەلىكتەرىن جازىپ كەتكەن.
«سۇلتانعا عانا تيەسىلى ەرەكشە كورىكتى ارۋلاردى وداليسكتەر دەپ اتايتىن. گارەم سۇلتاننىڭ بىرنەشە جۇزدەگەن ايەلىنەن قۇرالادى. گارەمگە تەك سۇلتاننىڭ تاڭداۋلى تۋىستارى كىرە الاتىن»، - دەپ جازادى دۋرسۋن- بەي.
سۇلتاندار اراسىندا گارەم ورنالاسقان ەڭ تانىمال ساراي - ىستامبۇلداعى سەرال سارايى ەدى. سارايدا 400 بولمە بار. وندا ەكى مىڭنان استام ايەل تۇراتىن.
ءبىر قىزىعى گارەمگە كەز كەلگەن قىز تۇسە المايتىن. وعان تەك سلاۆياندىق كەلبەتتەگى قارا شاشتى جانە اققۇبا قىزدار تاڭدالدى. قىزدىڭ بەلى مەن جامباسىنا كوپ ءمان بەرىلەتىن. ال ءتوسىنىڭ نە بويىنىڭ ۇلكەن بولۋى اسا ماڭىزدى ەمەس ەدى.
ەرەكشە كوركىنەن بولەك، ارۋدىڭ اقىلدى بولۋى دا ماڭىزدى سانالدى. گارەمگە تۇسكەن ءار ارۋ سۇلتاننىڭ الدىنا بارماس بۇرىن ەكى جىل بويى ارنايى مەكتەپتەن وتەتىن.
وداليسكتەر ءتۇرلى تىلدەردى، قۇراندى، ادەبيەتتى مەڭگەرىپ، مۋزىكالىق اسپاپتاردا ويناۋدى جانە بيلەۋدى ۇيرەنەدى. ءتىپتى سۋىرىپ سالما اقىن بولۋى دا مىندەتتى سانالدى.
ارۋلار ءوزىن كۇتىنىپ، سۇلتاننىڭ كوڭىلىن تابۋدىڭ ايلالارىن دا ۇيرەنۋى ءتيىس ەدى. گارەمدە ارۋلاردىڭ كوپ بولعانى سونشالىق، ءومىر- باقي سۇلتاندى كورمەي وتكەن ايەلدەر دە بولعان. سۇلتاننىڭ نازارىنا ىلىگۋ ءۇشىن ولار تالاي ايلاعا باراتىن.
ەڭ دارىندى ارۋلار سۇلتاننىڭ جىلداپ قاسىنان تابىلۋى ءۇشىن بارىن سالاتىن بولعان.
