مەدينەدەگى مەكتەپتە قازاق بالاسى باسپالداقتان قۇلاپ، قازا تاپتى - كەسكىن
مۇحاممەد ال- كۋشايري احمەد نۋر ءدىني وقۋ ورنىنىڭ باستاۋىش مەكتەپ وقۋشىسى باسپالداقتان قۇلاپ، باسىنان العان جاراقاتىنىڭ سالدارىنان كوز جۇمدى. كامەراداعى ۆيدەوتاسپاعا مۇعالىمنىڭ وقۋشىلارمەن سويلەسىپ تۇرعان كەزىندە وقۋشىنىڭ باسپالداقتىڭ تايانىشىنا شىعىپ، قۇلاپ كەتكەن ءساتى ءتۇسىپ قالعان.
عالامتوردا جاريالانعان بۇل كورىنىس قولدانۋشىلاردىڭ اشۋ-ىزاسىن كەلتىردى. ولاردىڭ ايتۋىنشا، باسپالداق تايانىشتارى وقۋشىلاردىڭ قاۋىپسىزدىگىن قامتاماسىز ەتۋ ءۇشىن جەتكىلىكتى دارەجەدە بيىك ەمەس. مەدينە باس ءبىلىم بەرۋ باسقارماسى قولدانۋشىلاردىڭ سىنىنا جاۋاپ بەرە وتىرىپ، ساۋد ارابياسىندا وسىنداي ۇلگىدەگى عيماراتتاردىڭ رەسمي تۇردە بەكىتىلگەندىگىن حابارلادى. مەكتەپتە قايعىلى جاعدايدا قازا تاپقان قازاق وقۋشىسىنىڭ تەرگەۋى تۋرالى ەسەپ تاياۋ ارادا جاريالانادى، دەپ حابارلادى مەدينە ءبىلىم بەرۋ باسقارماسى.
