مەكتەپ پارتاسىنان باستالعان العاشقى ماحاببات

استانا. قازاقپارات - سەزىم، ماحاببات ءبارى دە دەرلىك ۇلى ۇعىمدار.

ولاردىڭ ەڭ ءتاتتى كەزى العاش ءبۇرىن جارىپ، ادام بويىندا پايدا بولۋى. العاشقى ماحابباتىڭىز ەسىڭىزدە مە؟ مەكتەپ قابىرعاسى العاشقى دوستاردى تابىستىرۋشى، العاشقى ۇستازدى، العاشقى ماحابباتتى تانىستىرۋشى وردا. مەكتەپتەگى العاشقى ماحاببات -  نازىك ءارى پاكتىك پەن قۇشتارلىققا تولى بولادى.

سەبەبى ءسىز ول كەزدە ناعىز ماحابباتتىڭ نە ەكەنىن سەزىنبەيسىز، اڭعارمايسىز. ول قالاي؟ مەكتەپ قابىرعاسىندا ءسىز ءالى بالاسىز. باستاۋىش سىنىپ وقىپ جۇرگەن كەزىڭىز. باسىنا اق بانتيك بايلاپ، مەكتەپ سومكەسىن اسىنىپ كەلگەن قارا كوز ارۋعا ءسىزدىڭ كوزىڭىز سىرتتاي تۇسەدى.

نەمەسە شاشىن ارتىنا قايىرىپ، اق جەيدەسىن كيىپ كەلگەن تەنتەك ۇلعا ءسىزدىڭ دە كوزىڭىز تۇسەدى. ءبىراق ەكەۋارا تۇتاناتىن ماحاببات ءبىر ساتتىك ۇشقىن عانا. ونى ءسىز دە ءتىپتى ول دا سەزىنىپ ۇلگەرمەيدى. ونى ءسىز دە ۇلكەندەر جاعى دا ماحاببات دەپ اتامايدى. سەبەبى ول العاشقى سەزىم.

ول سىرتتاي جاي عانا دوستىق قارىم- قاتىناستى كورسەتەتىن كورىنىس قانا. شىن مانىندە ول ناعىز سەزىم. ال ونىڭ شىنايى ەكەنىن ءسىز جاسىراسىز. سۇراسا ۇيالاسىز. ونى جەك كورەتىن ادامنىڭ كەيپىن تانىتاسىز. ءسىز ءالى ۇياڭسىز. ءسىز ءالى كىرشىكسىز، پاكسىز. سوندىقتان ونى ايتساڭىز بىرەۋ ۇرلاپ الاتىنداي كۇيدە بولاسىز. بۇل قاسيەتتەر ءسىزدىڭ ساناڭىزدا ەمەس، جۇرەگىڭىزدە ورىلەدى. ونى ءسىز تاعى دا سەزىنبەي قالاسىز.

سەبەپ ءالى بالاسىز. مەكتەپ قابىرعاسىنداعى ماحاببات ءار سىنىپتا ءارتۇرلى قالىپتاسادى. العاش سىنىپقا كىرگەن كەزدە قىزدىڭ ەڭ ادەمى جانە ەڭ سۇيىمدىسىنە كوزىڭىز تۇسەدى. كەيىن سول ادامنىڭ قاسىنان شىققىڭىز كەلمەيدى. ءدال سولاي قىزداردا دا قايتالانادى. بىرگە ساباققا بارىپ، ءبىر پارتادا وتىرىپ، بىرگە ساباققا دايىندالاسىزدار.

ءبىراق نەگە ەكەنىن ايتا المايىز. مىنە، عاشىقتىڭ ءتىلى، ءتىلسىز ءتىل دەگەن وسى. جوعارى سىنىپقا بارعان سايىن بۇل سەزىم ساناعا اۋىسىپ، اقىلمەن سۇيە باستايسىز. بۇل قۇبىلىس قىزداردا جاقسى پايدا بولادى. ولار وزدەرىنەن كىشى سىنىپ نەمەسە قۇرداستارىمەن سويلەسۋدەن قالا باستايدى. ولاردىڭ اقىل توقتاتۋعا بەت العان جوعارى سىنىپ وقۋشىلارى قىزىقتىرادى. ماحابباتتىڭ تابيعي زاڭدىلىعى باستالادى.

مەكتەپ قابىرعاسىنداعى العاشقى ماحابباتتىڭ بەلگىلەرى: - ۇلدار وزىنە ۇنايتىن قىزدىڭ شاشىنان تارتىپ وينايدى؛ - قىزدار وزىنە ۇنايتىن جىگىتتى كورسە كۇلىمدەپ تۇرادى، ءتىپتى رياسىز؛ - ۇلدار وزىنە ۇنايتىن قىزدىڭ قاسىندا وتىرعىسى كەلەدى. ءتىپتى قىزعانىپ وزگەلەرمەن توبەلەسىپ قالۋى مۇمكىن. ال بۇل ماحاببات ءۇشىن العاشقى كۇرەستىڭ باستالعانى؛

- قىزدار وزىنە ۇنايتىن ۇل تۋرالى قۇربىلار بولىپ ءسوز ەتىپ، ول جايىندا جاقسى دۇنيەلەر ايتا باستايدى نەمەسە جاي عانا ويىن كەزىندە بەتىنەن ءسۇيىپ الۋى مۇمكىن. مەكتەپتەگى العاشقى ماحابباتتىڭ پايدا بولۋى بالانىڭ تۇراقتى جەتىلۋ جۇيەسىنە دا اسەر ەتەدى. ونىڭ قوعامداعى سەزىمتالدىعى پايدا بولادى. ەڭ قىزىعى مۇلدە سەزىنبەيتىن بالالار دا بولادى. نەمەسە كەرىسىنشە قىز بىتكەنمەن جاقىن جۇرەتىن تەنتەكتەر دە بولادى. سول سەكىلدى تۇيىق نەمەسە اشىق قىزدار ورتاسى بولادى. بۇل ءومىردىڭ تابيعي زاڭدىلىعىمەن قالىپتاساتىن بىرەگەي جۇيە. دەرەكتەرگە سۇيەنسەك، بالا كۇندەگى ناعىز شىنايى ءارى پاك العاشقى ماحاببات ەستە قالمايدى ەكەن.

 

Massaget.kz