ەڭ ىقپالدى نازىك جاندىلار رەيتينگى
بيىلعى The 50 Most Powerful Moms of 2017 ءتىزىمى ديزاينەر توري بەرچ، اكتريسا نيكول كيدمان جانە بەلگىلى اكتەر دجوردج كلۋنيدىڭ جۇبايى، ادۆوكات امال سىندى حانىمدار ەسىمدەرىمەن تولىقتى. زاڭگەر قىزمەتىن وتە ءساتتى اتقارىپ جۇرگەن سۇلۋ بيكەشتەن كەيىن ءتىزىمدى «گرەممي» سىيلىعىنىڭ يەگەرى ادەل جالعادى. 5 جاسار بالاسى اندجەلو دجەيمستىڭ تاربيەسىمەن قاتار، الەمدىك اۋقىمداعى ءمىنسىز انشىلىك مانسابىن بىرگە الىپ جۇرگەن جاس انانىڭ مىقتىلىعىن مويىندايتىندار سانى از ەمەس. سونداي- اق، ەڭ ىقپالدى نازىك جاندىلار تىزىمىندە بارشاعا جاقسى تانىس ۆيكتوريا بەكحەم، بەيونسە، ريز ۋيزەرسپۋن، ۆيولا دەۆيس سىندى جۇلدىزدار دا بار. شوۋ- بيزنەس وكىلدەرىنەن بولەك، رەيتينگتەن كاسىپكەر حانىمدار مەن ساياساتكەرلەر دە تابىلدى. مىسالى، ولاردىڭ قاتارىندا چەلسي كلينتون مەن يۆانكا ترامپ تا بار. «بۇل تىزىمدەگى ايەلدەر - ەڭ مىقتى نازىك جاندىلار. ولار جەتكەن جەتىستىك جولى جالعىزباستى ايەل ادامنىڭ وزىنە وڭايعا تيمەسى انىق، ال بۇلار بولسا جولداستارى مەن بالالارىنىڭ كوڭىلىنەن شىعىپ، وتباسىن ۇيىتىپ ۇستاپ وتىر. ولار وزگەلەرگە قانات ءبىتىرىپ، شابىتتاندىرادى» ، - دەدى Working Mother سايتىنىڭ باس رەداكتورى مەرەديت بودگاس.
اتالعان ءتىزىمدى كورە وتىرىپ، ءوز ەلىمىزدەگى وسىنداي انالار ويعا ورالادى. شەتەلدىك جۇلدىزدار سەكىلدى وتباسى مەن مانسابىن قاتار يگەرىپ، كوپشىلىك كوڭىلىنەن شىعىپ جۇرگەندەر قاتارىنا قاراقات ءابىلدينا، التىناي جورابايەۆا، ينديرا راسىلحان، روزا ءالقوجا، سالتانات قاليەۆا حانىمداردى دا قوسۋعا ابدەن بولار ەدى. كوپشىلىك قاۋىمعا اسا بەلگىلى بولماسا دا، الەۋمەتتىك جەلى قولدانۋشىلار اراسىندا ۇلكەن تانىمالدىققا يە جاس انالاردى بىرەۋ بىلسە، بىرەۋ بىلمەيدى. تانىمالدىقتىڭ ەڭ باستى سەبەبى - الەۋمەتتىك پاراقشالارىنىڭ پايدالى اقپاراتقا تولى بولۋى. مىسالى، ءاليا بايتوعايەۆا، ءمادينا ەلىكبايەۆا، اسەم نۇرسەيىتوۆا سىندى انالار كوپبالالى ومىردە كادەگە جارار لايفحاكتار، ءتۇرلى قۇندى كەڭەس، كەيبىر ەسكەرىلمەي قالاتىن جايتتاردىڭ الدىن الۋ تۋرالى اقپاراتتار، ءۇي تۇرمىسى مەن كاسىپتى قاتار يگەرۋدەن بولەك، ءوز- وزىنە كۇتىم جاساۋعا قاتىستى سۇلۋلىق سىرلارى، سونداي- اق، ەڭ باستى ماسەلە سانالاتىن تايم- مەنەدجمەنتتى ۇتىمدى ۇيىمداستىرۋ جولدارىن ۇيرەتەدى. ءاليا بايتوعايەۆا ءمادينا ەلىكبايەۆا اسەم نۇرسەيىتوۆا ماقالا ۇنادى ما؟ ۇناسا، دوستارىڭمەن ءبولىس!
Massaget.kz
