21:49, 10 - مامىر 2017 | GMT +5
استانادا قالا تۇرعىندارى مەن قوناقتارىنىڭ قۇجاتىن تەكسەرۋ كۇشەيتىلەدى
استانا. قازاقپارات - 10- مامىردان باستاپ ەلوردا تۇرعىندارى مەن قوناقتارىنىڭ قۇجاتتارىن تەكسەرۋ كۇشەيتىلەدى، دەپ حابارلايدى استانا اكىمدىگىنىڭ رەسمي سايتى.
«اتالعان اكسيانىڭ شەڭبەرىندە قۇجاتتاردى تەكسەرۋ كۇشەيتىلمەك. ەلوردا تۇرعىندارى مەن قوناقتارى تۇسىنىستىكپەن قاراپ، قۇجاتتارىن قۇقىق قورعاۋ ورگاندارىنا كورسەتكەن دۇرىس. «قۇقىقتىق ءتارتىپ» شاراسىنىڭ باستى مىندەتى - ەلوردا تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋ جانە تىركەلمەگەن ازاماتتاردى انىقتاۋ»، - دەپ حابارلايدى استانا اكىمدىگى.
شارا «ەكسپو-2017» حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ شەڭبەرىندە قولعا الىنىپ وتىر.
