دەپۋتات ورال قالاسىنداعى حوككەي ويىنى كەزىندە توبەلەسىپ قالدى - كەسكىن

استانا. قازاقپارات - جەڭىس كۋبوگىنا ارنالعان حوككەيدەن قالاارالىق تۋرنير شەڭبەرىندە وتكەن «ورال» ح ك (ورال) مەن «بۋريەۆەستنيك» ح ك (ورەنبۋرگ) اراسىنداعى ويىن كەزىندە قارسىلاستار توبەلەسىپ قالدى دەپ حابارلايدى «ۋرالسكايا نەدەليا».

بەينە روليكتەن حوككەي ويىنى كەزىندە ءماسليحات دەپۋتاتى، «ستەكلو-سەرۆيس» ج ش س ديرەكتورى اركادي رۋبتسوۆتىڭ قارسىلاسىنا جۇدىرىق الا جۇگىرگەن ءساتى انىق كورىنەدى.

ويىن بارىسىندا رۋبتسوۆ «بۋريەۆەستنيك» كومانداسى ويىنشىلارىنىڭ بىرىمەن سوقتىعىسىپ قالادى.

بۇل باسقا دا ويىنشىلاردىڭ جاپپاي توبەلەسۋىنە الىپ كەلدى. وبلىستىق «مۇز ايدىنى سپورت سارايى» ب ج س م ديرەكتورى ەسقابىل جامالمۇرزيەۆ بۇل وقيعاعا بايلانىستى ءوزىنىڭ پىكىرىن ءبىلدىردى.

«بۇل تەك ويىن ساتىندەگى كورىنىس عانا. بىرەۋگە بىردەمە ۇناماي قالدى، سوسىن ۇرىپ جىبەرىپ توبەلەس باستالدى دا كەتتى. كەيىن قارسىلاستار ءبىر-ءبىرىنىڭ قولدارىن قىسىپ، تاتۋلاستى»، - دەدى ەسقابىل جامالمۇرزيەۆ.