17:53, 10 - مامىر 2017 | GMT +5
قاراعاندىنىڭ حايۋاناتتار باعىنا العاش رەت الا قۇلان اكەلىندى
قاراعاندى. قازاقپارات - قاراعاندىداعى حايۋاناتتار باعىنا 80 جىلدىق تاريحىندا العاش رەت الا قۇلاندى (زەبرا) قابىلدادى، دەپ حابارلايدى «قازاقپارات ح ا ا ءتىلشىسى.
باتىر ەسىمدى زەبرا الماتى زووباعىنان الىنعان. ونى حايۋاناتتار باعىنا قاراعاندىداعى سۋپەرماركەت جەلىلەرى ءبىرىنىڭ باسشىسى لاريسا يۋگاي سىيعا تارتقان.
«باتىر - الا قۇلاننىڭ ءتولى. ونىڭ جاسى ءبىر جارىمدا. 2017-جىلى زووباققا 80 جىل تولادى، سوندىقتان بۇل وسىنداي ايتۋلى مەرەكەگە وراي تارتىلىپ وتىرعان كەرەمەت سىي»، - دەدى زووباق بولىمدەرىنىڭ ءبىرىنىڭ باسشىسى امين الين.
حايۋاناتتار باعىنىڭ اكىمشىلىگى الا قۇلاندى كەڭ قورشاۋعا ورنالاستىردى. الا قۇلاندى سىيعا تارتقان كاسىپكەر بۇل سىيلىققا بايلانىستى پىكىر بىلدىرۋدەن باس تارتتى.
