گولوۆكين مەن الۆارەس اراسىنداعى جەكپە- جەكتە قانشا بەلبەۋ ساراپقا سالىنادى؟
وتانداسىمىز بۇل كەزدەسۋگە بارلىق بەلبەۋىن ورتاعا سالىپ وتىر. ءبىراق «كانەلو» WBC بەلبەۋىنە تالاسۋدان باس تارتىپ وتىر. ويتكەنى، مەكسيكالىق بوكسشى وتكەن جىلى بۇل ۇيىمنىڭ باسشىلارىمەن سوزگە كەلىپ قالعان.
الۆارەس بولسا ءوز كەزەگىندە بار بولعانى ءبىر عانا بەلبەۋىن ورتاعا سالادى. ونىڭ ءوزى The Ring جۋرنالىنىڭ ارنايى جاسالعان بەلبەۋى. ال WBO بەلبەۋىن «كانەلو» يەسىز قالدىرۋى مۇمكىن. سەبەبى، ول بەلبەۋدى مەكسيكالىق بوكسشى ءبىرىنشى ورتا سالماقتا جەڭىپ الدى.
گولوۆكين مەن الۆارەس اراسىنداعى كەزدەسۋ 160 فۋنتتا، ياعني ورتا سالماقتا وتەدى.
ەسكە سالايىق، گولوۆكين - الۆارەس جەكپە-جەگى 16- قىركۇيەكتە وتەتىنى بەلگىلى بولدى. НВО ارناسى بۇل كەزدەسۋدى PPV ارقىلى تاراتادى. الايدا قايدا وتەتىنى ازىرشە ناقتى بەلگىلى بولماي تۇر.
قازىرگى تاڭدا گولوۆكين - الۆارەس جەكپە-جەگىن وتكىزۋگە سەگىز سپورت كەشەنىنەن ۇسىنىس تۇسكەن. ولاردىڭ ىشىندە لاس-ۆەگاستاعى، نيۋ-يورك قالاسىندا ورنالاسقان Madison Square Garden جانە داللاستاعى ATT Stadium ستاديونى سەكىلدى تانىمال سپورت كەشەندەرى بار. ا ق ش- تان بولەك ۇلى بريتانيا استاناسىنداعى «ۋەمبلي» جانە مەحيكونىڭ «اتستەك» ستاديوندارى دا بۇل جەكپە-جەكتى قابىلداۋعا ىنتالى.
