قانات يسلامنىڭ كەلەسى جەكپە- جەگىندە كيىپ شىعاتىن سپورتتىق كيىمى بەلگىلەندى
بۇل تۋرالى بوكسشىنىڭ PR مەنەدجەرى بەرىك سۇلتان ءوزىنىڭ فەيسبۋك پاراقشاسىندا: «قانات «QAZAQ» يسلامنىڭ جانە كومانداسىنىڭ 26 - مامىردا رينگكە كيىپ شىعاتىن كيىمى. كيىم اق جانە كوك ءتۇستى. قازاقى ويۋمەن ورنەكتەلگەن. ا ق ش- تاعى بوكس كەشىنىڭ باس سەرىكتەسى الماتى قالاسى اكىمدىگى. اكىمدىك 2016 -جىلى الماتى ارەناداعى جارىستىڭ وتۋىنە جاعداي جاساعان ەدى. ءبىز دە ءوز تاراپىمىزدان بۇگىندە ھام كەلەشەكتە الماتىنى بارىنشا جارنامالاپ، تۋريستەر مەن ينۆەستورلاردىڭ كوپتەپ كەلۋىنە ىقپال ەتكىمىز كەلەدى. سونداي- اق بوكس كەشىنىڭ دەمەۋشىلەرى «Zhersu» كورپوراتسياسىنىڭ باسشىسى، مەتسەنات باۋىرجان وسپانوۆ جانە «Nuray construction» قۇرلىس كومپانياسىنىڭ باسشىسى، سپورت جاناشىرى التاي اينابەك مىرزالار» ، - دەپ جازدى.
ەسكە سالا كەتەيىك، قازاقستاندىق بوكسشى قانات يسلام كاسىپقوي بوكستاعى كەلەسى كەزدەسۋىن 26 مامىر كۇنى اقش- تىڭ فلوريدا شتاتىندا وتكىزەدى. ونىڭ قارسىلاسى « ءازازىل» اتىمەن تانىمال مەكسيكالىق نوربەرتو گونسالەس. ول كاسىپقوي بوكستاعى 31 كەزدەسۋ وتكىزىپ، 23 كەزدەسۋدە جەڭىسكە جەتسە، 8 كەزدەسۋدە جەڭىلىس تاپقان.
Baq.kz
