كەلەر جىلى قازاقستاننىڭ جالپى ىشكى ءونىمى ايتارلىقتاي ارتادى
وعان سايكەس، 2018 -جىلى ەلىمىزدىڭ جالپى ىشكى ءونىمى 3,4 پايىز ارتادى. ال 2017 -جىلى ونىڭ كولەمى 2,5 پايىز دەڭگەيدە تىركەلمەك. ح ۆ ق ساراپشىلارىنىڭ مۇنداي جاعىمدى بولجامىنا قازاقستاندا مۇناي ءوندىرۋ كولەمىنىڭ ارتۋى جانە بيۋدجەتتىك شىعىنداردى ازايتۋعا باعىتتالعان ىنتالاندىرۋشى شارالار اسەر ەتكەن.
2015 -جىلدىڭ سوڭىندا جانە 2016 -جىلدىڭ باسىندا ورىن العان ديەۆالۆاتسيانىڭ اسەرىنەن ەلدە تۇتىنۋ باعالارى كۇرت ارتقان، دەگەنمەن ينفلياتسيا قازاقستاننىڭ ۇلتتىق بانكى بولجاعان دالىزدە قالىپ وتىر، دەپ ەسەپتەيدى ح ۆ ق ساراپشىلارى. ەكونوميكانىڭ مۇناي سەكتورىنان وزگە سالالارعا كەلەتىن بولساق، ءوسىم قارقىنى شامامەن 4 پايىزدى قۇرايدى دەپ كۇتىلۋدە. وعان قۇرىلىمدىق وزگەرىستەر مەن بانك كرەديتتەرىنىڭ جاندانۋى ىقپال ەتەدى. الايدا ح ۆ ق ساراپشىلارىنىڭ پىكىرىنشە، بيرجالىق تاۋارلار مەن مۇناي باعاسىنىڭ ۇزاقمەرزىمدى تومەندەۋى قازاقستاندىق ەكونوميكانىڭ نىعايۋىنا كەدەرگى كەلتىرۋى ىقتيمال. جالپى، ساراپشىلار ەلىمىزدىڭ رەسمي ورگاندارى داعدارىسقا جاۋاپ رەتىندە قولعا العان شارالارىنا وڭ باعا بەردى. سونىمەن قاتار ديرەكتورلار ەكونوميكانىڭ ءوسىمىن بيرجالىق تاۋارلار مەن مۇناي باعاسىنىڭ تومەندەۋى ۇستاپ تۇرعاندىعىن اتاپ وتۋدە.
ساياسي شارالار قازاقستانداعى ماكروەكونوميكالىق ساياسات نەگىزىن نىعايتۋعا، قارجىلىق سەكتورداعى پروبلەمالاردى جويۋعا، قارقىندى ارتتىرۋعا جانە ءوسىم ديۆەرسيفيكاتسياسىنا باعىتتالعان رەفورمالاردى قولعا الۋعا نەگىزدەلۋى تيىستىگى ايتىلدى. ەسكە سالا كەتەيىك، 2016 -جىلى ح ۆ ق قازاقستاندىق ج ءى ءو- ءنىڭ وسىمىنە قاتىستى بولجامى الدەقايدا تومەن بولاتىن. ول كەزدە قور ءونىمنىڭ ءوسىمى نەبارى 0,6 پايىز بولاتىنىن بولجادى.
اۆتور: جاسۇلان جولدىبايەۆ
