12:58, 10 - مامىر 2017 | GMT +5
ساياساتكەر ايەل پارلامەنتتە وتىرىپ ءسابيىن ەمىزدى
استانا. قازاقپارات - اۆستراليالىق سەناتور لاريسا ۋوتەرس پارلامەنت قابىرعاسىندا وتىرىپ ءسابيىن ەمىزگەن العاشقى ساياساتكەر- ايەل اتاندى.
بۇل تۋرالى BBC ورىس قىزمەتى حابارلايدى.
جاسىلدار پارتياسىنىڭ مۇشەسى وسىلايشا ءوزىنىڭ ەكى ايلىق قىزى اليا دجويدى جۇمىسىنا الىپ كەلىپ، داۋىس بەرۋ كەزىندە ونى تاماقتاندىرىپ تا ۇلگەرگەن.
اۆستراليا پارلامەنتى ءسابيدى ەمىزۋگە وتكەن جىلى رۇقسات بەرگەن ەدى. ءبىراق، بۇل مۇمكىندىكتى لاريساعا دەيىن ەش ساياساتكەر پايدالانباعان ەكەن.
لاريسا ۋوتەرس پارلامەنتتە جاسىلدار پارتياسىنىڭ مۇددەسىن قورعايدى. 1977 -جىلى 8 -اقپاندا كانادانىڭ ۆيننيپەگ قالاسىندا ومىرگە كەلگەن. گريففيتا ۋنيۆەرسيتەتىن ءتامامداعان.
