استانانىڭ سول جاعالاۋىندا جاياۋ جۇرگىنشىلەرگە ارنالعان كەڭ جولدار سالىنادى - فوتو
«بۇگىن قالانى ارالاپ، جۇزەگە اسىرىلىپ جاتقان ءبىرقاتار جوبانى تەكسەردىم. «قۇلاگەر» تۇرعىن ءۇي كەشەنىنىڭ 2 جانە 4- ۇيلەرى ماڭىنداعى جولعا دەيىنگى الاڭ تولىعىمەن اسفالتتالىپ، اۆتوتۇراققا اينالادى. اۋلاعا شلاگباۋم ورناتىپ، كولىكتەردى كىرگىزۋگە تىيىم سالۋ ءۇشىن پاتەر يەلەرىنىڭ كووپەراتيۆى ارقىلى تۇرعىندارمەن كەلىسسوزدەر جۇرگىزۋدەمىز. اۋلالارعا بالالارعا ارنالعان ويىن جانە سپورتتىق الاڭدار ورناتىپ، كىشىگىرىم ساياباق جاسايمىز»، - دەپ جازدى اكىم Facebook-تەگى ءوزىنىڭ پاراقشاسىنا.
«تاعى ءبىر ماسەلە - ورام ىشىندەگى وتپە جولدار. بيىل ەسىل اۋدانىندا وسىنداي 18 جول سالامىز. بۇگىن «ينفينيتي» ت ك ۇيلەرى ماڭىنداعى جۇمىس بارىسىن تەكسەرىپ كەلدىم. بۇل جۇمىستار مامىر ايىندا اياقتالىپ، بارلىق وتپە جولدار اسفالتتالادى. سونداي-اق، سىعاناق كوشەسىنەن ەكسپوعا دەيىنگى قابانباي باتىر كوشەسىندەگى جاياۋ جۇرگىنشىلەر جولىنىڭ قۇرىلىسى دا - ماڭىزدى جوبالاردىڭ ءبىرى. جاياۋجول ەنى 4,5 مەتردى قۇرايدى، ونىڭ 3 مەترى - جاياۋ جۇرگىنشىلەرگە، ال 1,5 مەترى ۆەلوسيپەدشىلەرگە ارنالعان»، - دەدى اكىم.
اۆتور: ايجان سەرىكجان قىزى
