مارادونا مەسسيگە جەڭىلدىك جاساعانى ءۇشىن ف ي ف ا- نى سىنعا الدى

استانا. قازاقپارات - ارگەنتينا قۇراماسىنىڭ بۇرىنعى باس باپكەرى ديەگو مارادونا ەلدىڭ ۇلتتىق كومانداسىنىڭ شابۋىلشىسى ليونەل مەسسيگە ف ي ف ا تىم جۇمساق قارادى دەپ سانايدى.

بۇل تۋرالى «قازاقپارات» ح ا ا ءتىلشىسى حابارلايدى.

ارگەنتينا فۋتبول قاۋىمداستىعى «بارسەلونا» فۋتبولشىسىنا ءتورت ويىنعا قاتىسۋعا شەكتەۋ قويۋىنا بايلانىستى اپەللياتسيالىق ارىز بەردى. ف ي ف ا جازانىڭ كۇشىن جويىپ، وعان جاقىندا وتەتىن ويىنعا شىعۋعا رۇقسات بەردى. الايدا مەسسي ءبىر ويىنعا قاتىسپاي قالدى.

«مەن مەسسيگە كومەكتەسكىم كەلدى. ءبىراق ف ي ف ا شەشىمىمەن ورتاق ەشتەڭەم جوق. ءتورت ويىن بار. اياق استىنان وعان كەشىرىم جاساپ، ءۇش كەزدەسۋگە قاتىسۋعا رۇقسات بەردى. ف ي ف ا- نىڭ ارەكەتى دۇرىس ەمەس. كەي تۇستاردا لەونى جازالاۋ ورىندى. مۇنى جۇرەگىمە قولىمدى قويىپ ايتامىن. ونى ءبىر جىل جاتتىقتىردىم. ول فۋتبولشىعا قاراعاندا، جۇمساق، بيازى بالاعا كوپ ۇقسادى»، - دەدى مارادونا ارگەنتينالىق راديوعا بەرگەن سۇحباتىندا.