كورەيا رەسپۋبليكاسىنا جاڭا پرەزيدەنت سايلاندى

استانا. قازاقپارات - كورەيا رەسپۋبليكاسىنداعى پرەزيدەنت سايلاۋىندا «توبۋرو» دەموكراتيالىق پارتياسى اتىنان سايلاۋعا تۇسكەن كانديدات مۋن چجە ين جەڭىسكە جەتتى.

بۇعان ۇلتتىق سايلاۋ كوميسسياسىنىڭ مالىمەتتەرى دالەل بولىپ وتىر، دەپ حابارلايدى ت ا س س.

«مۋن چجە ين سايلاۋشىلاردىڭ 41,1 پايىز داۋىسىن جينادى. وسىلايشا ول كورەيا رەسپۋبليكاسىنىڭ جاڭا پرەزيدەنتى بولىپ وتىر. وعان 13,4 ملن ادام داۋىس بەردى»، - دەپ حابارلايدى وسى ەلدىڭ سايلاۋ كوميسسياسى.

سايلاۋشىلاردىڭ ەڭ كوپ داۋىسىن العان پرەزيدەنتتىككە كانديدات ەكىنشى ازامات حون چجۋن پحيە بولىپ وتىر. ونى سايلاۋشىلاردىڭ 21,03 پروتسەنتى (7,85 ميلليون ادام) قولدادى. سايلاۋ كەزەكتەن تىس ءوتتى. ناۋرىز ايىندا كونستيتۋتسيالىق سوت 2016 -جىلدىڭ جەلتوقسانىندا كورەيا رەسپۋبليكاسىنىڭ بۇرىنعى پرەزيدەنتى پاك كىن حەگە جاريالانعان يمپيچمەنتتى راستاپ، ونى بيلىكتەن الاستاتتى.

وسىعان بايلانىستى مەملەكەت باسشىسىنىڭ سايلاۋى بەلگىلەنگەن مەرزىمنەن 7 اي بۇرىن وتكىزىلىپ وتىر. جاڭا سايلانعان پرەزيدەنتكە بارلىق وكىلەتتىكتەر وتپەلى كەزەڭسىز-اق بىردەن بەرىلەدى.