12:10, 09 - مامىر 2017 | GMT +5
نيگەريا پرەزيدەنتى كەپىل تۇتقىننان بوساعان وقۋشى قىزدارمەن كەزدەستى
استانا . قازاقپارات- نيگەريا پرەزيدەنتى مۇحامماد بۋحاري بوكو حارام تەررورلىق ۇيىمىنىڭ كەپىل تۇتقىنىندا بولعان 82 وقۋشى قىزبەن كەزدەستى.
بۋحاري ولارمەن كەزدەسكەن سۋرەتىن 7 - مامىر كۇنى Twitter الەۋمەتتىك جەلىسىنە جاريالادى. ودان ءبىر كۇن بۇرىن بۋحاري ۇكىمەتى ولاردى تۇتقىنعا تۇسكەن سودىرلارعا ايىرباستاعان ەدى.
سودىرلار تۇتقىنىندا بولعان وقۋشىلارمەن كەزدەسۋدەن كەيىن پرەزيدەنت كەڭەسشىسى فەمي ادەزينا بۋحاريدىڭ «ولارعا قوعامعا قايتا بەيىمدەلۋگە بارلىق جاعداي جاسالاتىنىن ايتىپ ۋادە بەرگەنىن» حابارلادى. ادەسينا شەنەۋنىكتەردىڭ بۇل جۇمىستى باقىلايتىنىن ايتادى.
سودىرلارمەن تۇتقىن الماسۋ كەلىسسوزىن شۆەيساريا ۇكىمەتىمەن بىرگە جۇرگىزۋگە كومەكتەسكەن قىزىل كرەست حالىقارالىق كوميتەتى «وقۋشى قىزداردىڭ وتباسىلارىمەن جاقىن ارادا تابىساتىنىن» حابارلادى. نيگەريا ۇكىمەتى سودىرلارمەن كەلىسسوزدىڭ قالاي جۇرگەنىن، ۇكىمەت تۇتقىنىنا تۇسكەن قانشا سودىردىڭ ايىرباسقا بوساتىلعانىن ايتپادى.
www.azattyq.org
