الماتىلىقتار «باۋىرجان مومىش ۇلى» جانە «مانشۇك مامەتوۆامەن» سۋرەتكە ءتۇستى - فوتو

 الماتى. قازاقپارات - الماتىلىقتار ع. مۇسىرەپوۆ اتىنداعى جاستار مەن جاسوسپىرىمدەر تەاترىنىڭ ارتىستەرىنىڭ ورىنداۋىندا «تىرىدەي» باۋىرجان مومىش ۇلى، ءاليا مولداعۇلوۆا، مانشۇك مامەتوۆا، يۆان پانفيلوۆ، تالعات بيگەلدينوۆ، راقىمجان قوشقاربايەۆ، مالىك عابدۋللين، سەرگەي لۋگانسكي جانە تاعى وتان سوعىسىنىڭ باتىرلارىمەن كەزدەسىپ، سۋرەتكە ءتۇستى، دەپ حابارلايدى قازاقپارات ءتىلشىسى.

الماتىداعى 28 پانفيلوۆشىلار پاركىندە 7-9 -مامىر كۇندەرى اسكەري تەحنيكالار كورمەسى ۇيىمتاستىرىلىپ، ع. مۇسىرەپوۆ تەاترىنىڭ اكتەرلەرى ۇلى وتان سوعىسى باتىرلارىنىڭ ءرولىن سومدادى. وسىلايشا، الماتىلىقتار باۋىرجان مومىش ۇلى، ءاليا مولداعۇلوۆا، مانشۇك مامەتوۆا، يۆان پانفيلوۆ، تالعات بيگەلدينوۆ، راقىمجان قوشقاربايەۆ، مالىك عابدۋللين، سەرگەي لۋگانسكيلەرمەن «تىرىدەي» كەزدەسىپ، سۋرەتكە ءتۇستى.

سونىمەن قاتار، داڭق مەموريالى الدىندا «ءبىز - باتىرلاردىڭ ۇرپاعىمىز» اتتى العىس تاقتاسى قويىلىپ، فوتولار ءىلىندى.

اۆتور: الماس مۇقاش ۇلى